ఐపీఎల్​: భువనేశ్వర్​ స్థానంలో ఆంధ్రా బౌలర్​

సన్​రైజర్స్​ హైదరాబాద్​ పేసర్​ భువనేశ్వర్​ కుమార్​ స్థానంలో ఆంధ్రా బౌలర్​ పృథ్వీ రాజ్​ను ఎంపిక చేసింది ఫ్రాంచైజీ. ఇటీవలే ఓ మ్యాచ్​లో గాయపడ్డాడు భువీ. ఆ గాయం తీవ్రత ఎక్కువ కావడం వల్ల లీగ్​ నుంచి వైదొలగాల్సి వచ్చింది.

ఇటీవలే చెన్నై సూపర్ కింగ్స్​తో జరిగిన మ్యాచ్​లో సన్​రైజర్స్ హైదరాబాద్​ పేసర్ భువనేశ్వర్​ కుమార్​ గాయపడ్డాడు. దీంతో లీగ్​కు దూరమవ్వాల్సి వచ్చింది. ఇప్పుడు అతని స్థానంలో లెఫ్టార్మ్​ పేసర్​ పృథ్వీ రాజ్​ యర్రాను ఎంపిక చేసినట్లు ఫ్రాంచైజీ తెలిపింది.

ధోనీతో పృథ్వీ రాజ్​

ఆంధ్రప్రదేశ్​కు చెందిన పృథ్వీ.. 11 ఫస్ట్​ క్లాస్​ మ్యాచ్​లు ఆడి.. 39 వికెట్లు పడగొట్టాడు. గత సీజన్​లో కోల్​కతా నైట్​రైడర్స్ తరఫున కూడా ఆడాడు. ఇప్పుడు హైదరాబాద్​ జట్టుకు ప్రాతినిధ్యం వహించనున్నాడు.

భువనేశ్వర్​ కుమార్​