ముంబయి ఆల్రౌండర్ హార్దిక్ పాండ్య.. తన కుమారుడి డైపర్లు మార్చడాన్ని చాలా మిస్సవుతున్నట్లు చెప్పాడు. కోల్కతాతో మ్యాచ్ అనంతరం మాట్లాడుతూ ఈ విషయాన్ని వెల్లడించాడు.
"ప్రస్తుతం నేను తండ్రిని. పార్టీలకు హాజరవడం కంటే కొడుకు డైపర్లు మార్చడాన్ని మిస్సవుతున్నా" అని మోరిసన్తో జరిగిన ముఖాముఖిలో చెప్పాడు పాండ్య.
తన గర్ల్ ఫ్రెండ్ నటాషా స్టాంకోవిచ్తో ఈ ఏడాది జనవరి 1న నిశ్చితార్థం చేసుకున్నట్లు వెల్లడించాడు హార్దిక్. అనంతరం జులైలో ఈ జోడీకి పిల్లాడు పుట్టాడు.
కోల్కతాపై 8 వికెట్ల తేడాతో ముంబయి విజయం సాధించింది. తద్వారా పాయింట్ల పట్టికలో అగ్రస్థానానికి చేరుకుంది. పంజాబ్తో ఆదివారం జరిగే మ్యాచ్ గెలిస్తే, ఫ్లేఆఫ్స్లో చోటు ఖరారు చేసుకుంటుంది.
