ఐపీఎల్లో మరో ఆసక్తికర పోరుకు రంగం సిద్ధమైంది. షార్జా వేదికగా రాయల్ ఛాలెంజర్స్ బెంగళూరు, కింగ్స్ ఎలెవన్ పంజాబ్ జట్లు గురువారం రెండోసారి తలపడనున్నాయి. ఈ మ్యాచ్తో పంజాబ్ తరఫున విధ్వంసకర బ్యాట్స్మన్ క్రిస్ గేల్ బరిలో దిగేందుకు సిద్ధంగా ఉన్నాడని ఆ ఫ్రాంచైజీ ఇటీవలే స్పష్టం చేసింది.
కింగ్స్ ఎలెవన్ పంజాబ్లో ఆల్రౌండ్ ప్రదర్శన చేయలేకపోవడం సహా ఆడిన ఏడు మ్యాచ్ల్లో కేవలం ఒక్క మ్యాచ్లోనే గెలిచింది. అది కూడా ఆర్సీబీపైనే విజయం సాధించింది. ఈ మ్యాచ్లో 97 పరుగుల తేడాతో భారీ విజయాన్ని నమోదు చేసుకుంది. మరి ఈ మ్యాచ్లో ఏమవుతుందో చూడాలి.
ప్రతీకారం తీర్చుకుంటుందా?
దుబాయ్ వేదికగా కోల్కతాతో ఆడిన గత మ్యాచ్లో బెంగళూరు విజయం సాధించింది. ఈ మ్యాచ్లో ఆర్సీబీ ఓపెనర్లు దేవ్దత్ పడిక్కల్, ఆరోన్ ఫించ్ సహా కెప్టెన్ కోహ్లీ, ఏబీ డివిలియర్స్తో రాణించారు.
బౌలింగ్లోనూ క్రిస్ మోరిస్, వాషింగ్టన్ సుందర్, నవ్దీప్ సైనీలతో పాటు స్పిన్నర్ చాహల్ కూడా కోత్కతాపై అద్భుతమైన ప్రదర్శన చేశారు. అటు బ్యాటింగ్, ఇటు బౌలింగ్లోనూ ఆర్సీబీ బలంగా ఉంది. కాబట్టి దాదాపుగా ఈ జట్టులో మార్పులేవి జరగకపోవచ్చు.
గేల్ అలరిస్తాడా?
కింగ్స్ ఎలెవన్ పంజాబ్ టోర్నీలో చివరి మ్యాచ్ను కోల్కతా నైట్రైడర్స్తో ఆడింది. ఇందులో కేవలం రెండు పరుగుల తేడాతో రాహుల్సేన పరాజయాన్ని మూటకట్టుకుంది. ఈ మ్యాచ్లో ఓపెనర్లు కెప్టెన్ కేఎల్ రాహుల్, మయాంక్ అగర్వాల్ అద్భుతమైన బ్యాటింగ్ ప్రదర్శన చేసినా అది జట్టుకు విజయాన్ని అందించలేకపోయింది. వీరిద్దరూ పెవిలియన్ చేరిన తర్వాత మిడిల్ ఆర్డర్ బ్యాట్స్మెన్ ఆకట్టుకులేకపోయారు. ఒకవిధంగా చెప్పాలంటే కోల్కతా మ్యాచ్లో మిడిల్ ఆర్డర్ వైఫల్యం వల్లే చేయిదాకా వచ్చిన విజయం అందకుండా పోయింది. బ్యాటింగ్ లైనప్లో స్వల్పమార్పులు జరిగే అవకాశం ఉంది. ఓపెనర్గా లేదా మిడిల్ ఆర్డర్లో క్రిస్ గేల్ను ఎంపికే చేయనున్నారని సమాచారం. మరోవైపు బౌలింగ్ లైనప్లో టీమ్ఇండియా పేసర్ మహ్మద్ షమి, యువ స్పిన్నర్ రవి బిష్టోయ్ తప్ప మిగిలిన వారు ఆకట్టుకునే ప్రదర్శన చేయలేకపోతున్నారు.
జట్లు(అంచనా):
కింగ్స్ ఎలెవన్ పంజాబ్: కేఎల్ రాహుల్ (కెప్టెన్), మయాంక్ అగర్వాల్, కరుణ్ నాయర్, సర్ఫరాజ్ ఖాన్, గ్లెన్ మాక్స్వెల్, నికోలస్ పూరన్, కృష్ణప్ప గౌతమ్, క్రిస్ జోర్డాన్, షెల్డన్ కాట్రెల్, రవి బిష్ణోయ్, మహ్మద్ షమి, మురుగన్ అశ్విన్, అర్ష్దీప్ సింగ్, క్రిస్ గేల్, మన్దీప్ సింగ్, దీపక్ హుడా, మజీబ్-ఉర్-రెహమాన్
రాయల్ ఛాలెంజర్స్ బెంగళూరు: విరాట్ కోహ్లీ (కెప్టెన్), ఏబీ డివిలియర్స్, ఆరోన్ ఫించ్, జోష్ ఫిలిప్, క్రిస్ మోరిస్, మొయిన్ అలీ, మహ్మద్ సిరాజ్, షాబాజ్ అహ్మద్, దేవదత్ పడిక్కల్, యుజ్వేంద్ర చాహల్, నవ్దీప్ సైనీ, డేల్ స్టెయిన్, పవన్ నేగీ, ఇసురు ఉదానా, శివమ్ దూబే, ఉమేశ్ యాదవ్, గుర్కీరత్ సింగ్ మన్, వాషింగ్టన్ సుందర్, పవన్ దేశ్ పాండే, ఆడమ్ జంపా
