కింగ్స్ ఎలెవన్ పంజాబ్ సారథి కేఎల్ రాహుల్ను ప్రశంసించాడు దిగ్గజ ఆటగాడు సునీల్ గావస్కర్. అతడు నిలకడగా ఆడటానికి వెనుక ఉన్న రహస్యాన్ని చెప్పాడు. బెంగళూరు నీళ్లు తాగి పెరగడం వల్లే బాగా ఆడుతన్నాడన్నాడు. గొప్ప గొప్ప క్రీడాకారులంతా బెంగళూరు నేపథ్యం నుంచి వచ్చిన వాళ్లేనని గుర్తుచేశాడు.
"బెంగళూరు నీళ్లు తాగి పెరిగిన శరీరం అతడిది. అక్కడి నుంచి వచ్చిన వాళ్లంతా ప్రపంచ స్థాయి ఆడగాళ్లుగా ఎదిగారు. క్రికెట్లోనే కాదు అన్ని క్రీడల్లోనూ గొప్పగా రాణించారు. ప్రకాశ్ పదుకొణె నాకు ఎంతో ఇష్టమైన ఆటగాడు. గుండప్పా విశ్వనాథ్, ఎర్రపల్లి ప్రసన్న, అనిల్ కుంబ్లే, రాహుల్ ద్రావిడ్ వీరంతా బెంగళూరు నుంచి వచ్చినవారే. ఇదంతా ఆ నగర నీరు తాగడం వల్లే సాధ్యమైంది."
-గావస్కర్, టీమ్ఇండియా దిగ్గజం
ప్రస్తుతం పంజాబ్ జట్టు నేడు జరుగుతోన్న మ్యాచ్లో దిల్లీ క్యాపిటల్స్తో తలపడుతోంది. ఈ సీజన్లో ఇప్పటివరకు రాహుల్(525) ఎక్కువ పరుగులు చేసిన ఆటగాడిగా కొనసాగుతున్నాడు.
ఇదీ చూడండి ఇంగ్లాండ్తో 'గులాబీ' టెస్ట్కు అహ్మాదాబాద్ ఆతిథ్యం
