శ్రీలంక పేసర్ లసిత్ మలింగ బౌలింగ్ వారసత్వాన్ని ముంబయి ఇండియన్స్ బౌలర్ జస్ప్రీత్ బుమ్రా కొనసాగిస్తున్నాడని అభిప్రాయపడ్డాడు ఆల్రౌండర్ కీరన్ పొలార్డ్. కింగ్స్ ఎలెవన్ పంజాబ్తో జరిగిన మ్యాచ్లో బుమ్రా మూడు కీలక వికెట్లు తీసి జట్టుకు సహకరించాడని అన్నాడు.
"బుమ్రా వరల్డ్ క్లాస్ క్రికెటర్. కొంతకాలంగా పరిమిత ఓవర్ల ఫార్మాట్లో నంబర్వన్గా కొనసాగుతున్నాడు. ముంబయి ఇండియన్స్ జట్టులో చేరాక ఎన్నో విషయాలను నేర్చుకుని ఎంతో ఎత్తుకు ఎదిగాడు. బుమ్రా మా జట్టుకు తగిన వాడు. లసిత్ మలింగ నుంచి బౌలింగ్ వారసత్వాన్ని కొనసాగిస్తున్నాడు. పంజాబ్తో మ్యాచ్లో మేము చాలా బాగా బ్యాటింగ్ చేసినా.. చివరికి పరాజయం ఎదురైంది. కానీ, ప్రతిమ్యాచ్కూ మెరుగవుతూ వస్తున్నాం. తర్వాత జరగబోయే మ్యాచ్ కోసం కొత్త ప్రణాళికలు రూపొందించాల్సి ఉంది."
- పొలార్డ్, ముంబయి ఇండియన్స్ ఆల్రౌండర్
కింగ్స్ ఎలెవన్ పంజాబ్తో జరిగిన మ్యాచ్ మొదటి సూపర్ఓవర్లో బ్యాటింగ్కు దిగిన కెప్టెన్ రోహిత్ శర్మ, క్వింటన్ డికాక్ ఐదు పరుగుల లక్ష్యాన్ని ఛేదించలేకపోయారు. రెండో సూపర్ ఓవర్లో బరిలో దిగిన పొలార్డ్, హార్దిక్ పాండ్యా కలిసి 11 పరుగులు రాబట్టారు. ఆ తర్వాత బ్యాటింగ్ చేసిన కింగ్స్ ఎలెవన్ పంజాబ్ జట్టు మరో రెండు బంతులు మిగిలుండగానే లక్ష్యాన్ని చేధించి విజయం సాధించింది.
