పవర్ ప్లేలో ఉత్తమ బౌలింగ్ ప్రదర్శన ద్వారా చెన్నై బ్యాట్స్మెన్ను తక్కువ పరుగులకే కట్టడి చేశామని కెప్టెన్ స్టీవ్ స్మిత్ అన్నాడు. సోమవారం జరిగిన ఈ మ్యాచ్లో సీఎస్కే జట్టుపై రాజస్థాన్ గెలిచిన అనంతరం స్మిత్ మాట్లాడాడు.
" బ్యాటింగ్కు అబుదాబి పిచ్ అనుకూలంగా లేదు. కానీ, ఈ విజయం ఆనందాన్నిచ్చింది. స్పిన్నర్లు బౌలింగ్ చేసిన తీరు హర్షనీయం. చక్కటి లెంగ్త్లలో బంతిని విసిరారు. ఛేదనలో బట్లర్ మెరుగైన ప్రదర్శన కనబరిచాడు. నాకు ఒత్తిడి లేకుండా చేశాడు".
-స్టీవ్ స్మిత్, రాజస్థాన్ రాయల్స్ జట్టు కెప్టెన్
తన ఎల్బీడబ్యూ రివ్యూ గురించి మాట్లాడిన స్మిత్.. బంతి తన బ్యాట్కు తగిలిందన్న విషయం ఉపశమనం ఇచ్చిందని గుర్తుచేశాడు. ప్రస్తుతం మ్యాచ్ జరిగిన మైదానం బ్యాటింగ్కు కాస్త ఇబ్బందిగా ఉందని తెలిపాడు. యువ ఆటగాళ్లలో తెవాతియా, శ్రేయస్ గొప్పగా ఆడుతున్నారని కొనియాడాడు.
ఈ మ్యాచ్లో చెన్నై జట్టుపై రాజస్థాన్ ఏడు వికెట్లు తేడాతో విజయం సాధించింది. 126 పరుగుల లక్ష్యంతో బరిలో దిగిన రాజస్థాన్ 17.3 ఓవర్లలోనే సునాయాసంగా ఛేదించింది.
ఇదీ చదవండి:సీఎస్కేపై రాజస్థాన్ ఘన విజయం
