రాజస్థాన్ రాయల్స్తో జరుగుతున్న మ్యాచ్లో రాయల్ ఛాలెంజర్స్ బెంగళూరు 158 పరుగులు చేసింది. టాస్ గెలిచి బౌలింగ్ ఎంచుకున్న రాజస్థాన్ జట్టు.. బెంగళూరుని తక్కువ స్కోరుకే పరిమితం చేసింది. ఆర్సీబీకి శుభారంభం దక్కినా శ్రేయాస్ గోపాల్ మూడు వికెట్లతో చెలరేగాడు. పార్థివ్ పటేల్ (67, 41బంతుల్లో) మినహా మిగతా బ్యాట్స్మెన్ పెద్దగా ఆకట్టుకోలేకపోయారు.
- మూడు వికెట్లు తీసిన శ్రేయాస్..
తన తొలి ఓవర్లోనే విరాట్ని (23) బౌల్డ్ చేసిన శ్రేయాస్ కొద్ది సేపటికే డివిలియర్స్(13), హిట్మైర్ను(1) పెవిలియన్కు చేర్చాడు. 4 ఓవర్లకు 12 పరుగులిచ్చి.. మూడు వికెట్లు తన ఖాతాలో వేసుకున్నాడు. జోఫ్రా ఆర్చర్ ఓ వికెట్ తీశాడు.
- ఆరంభం అదిరినా...
మొదటి 8 ఓవర్లకి 70కిపైగా పరుగులు సాధించింది బెంగళూరు జట్టు. కొద్ది వ్యవధిలోనే డివిలియర్స్, హిట్మైర్ వికెట్లను కోల్పోయింది. పార్థివ్ పటేల్ అర్ధ శతకంతో ఆకట్టుకున్నాడు. మిగతా బ్యాట్స్మెన్ ధాటిగా ఆడలేకపోయారు. చివరి ఓవర్లో 17 పరుగులు సాధించిన బెంగళూరు గౌరవప్రదమైన స్కోరు చేయగలిగింది. స్టాయినిస్(31), మొయిన్ అలీ (18) ఫర్వాలేదనిపించారు.
