ప్రపంచ టెస్టు ఛాంపియన్షిప్(World Test championship) ఫైనల్ కోసం యూకే వెళ్లనున్న భారత ఆటగాళ్లకు క్వారంటైన్ విషయంలో సడలింపులు ఇచ్చింది అక్కడి ప్రభుత్వం. ఎన్ని రోజులు అనేది స్పష్టంగా చెప్పనప్పటికీ నిర్బంధంలో ఉండాల్సిన రోజుల సంఖ్య తక్కువే కానుందని అంతర్జాతీయ క్రికెట్ మండలి(ఐసీసీ) స్పష్టం చేసింది.
ఇప్పటికే డబ్ల్యూటీసీ ఫైనల్లో పాల్గొననున్న కివీస్.. ఇంగ్లాండ్తో రెండు టెస్టుల నిమిత్తం అక్కడికి చేరుకుంది. ప్రస్తుతం 14 రోజుల తప్పనిసరి నిర్బంధంలో ఉన్న కోహ్లీసేన కూడా జూన్ 3న యూకే చేరుకోనుంది.
"కొవిడ్ నేపథ్యంలో 2021 మే 17న యూకే ప్రభుత్వం క్వారంటైన్లో ఎన్ని రోజులు ఉండాలనేది సూచించింది. ప్రస్తుతం దీని నుంచి ఇంగ్లాండ్ ప్రభుత్వం మినహాయింపు ఇచ్చింది. క్వారంటైన్కు వెళ్లేముందు భారత ఆటగాళ్లందరికీ కొవిడ్ పరీక్షలు చేస్తాం"
-ఐసీసీ(ICC)
కివీస్ ఆటగాళ్లు ప్రాక్టీస్ మొదలు పెట్టడానికి ముందు మూడ్రోజుల తప్పనిసరి క్వారంటైన్లో ఉంచింది ఇంగ్లాండ్ క్రికెట్ బోర్డు. మరి కోహ్లీ సేనకు ఎన్ని రోజుల నిర్బంధంలో ఉంచనుందో వేచిచూడాలి.
ఇదీ చదవండి: wtc final: రెట్రో లుక్ జెర్సీతో టీమ్ఇండియా
