INDIA VS SRI LANKA: బెంగళూరు వేదికగా జరుగుతున్న గులాబీ టెస్టు రెండో రోజు ఆట ముగిసింది. ఆ సమయానికి రెండో ఇన్నింగ్స్లో శ్రీలంక 28/1 పరుగుల వద్ద నిలిచింది. క్రీజులో మెండిస్ (16*), కరుణరత్నె (10*) ఉన్నారు. భారత బౌలర్లలో బుమ్రా ఒక వికెట్ పడగొట్టాడు. ఇంకా మూడు రోజుల పాటు మిగిలి ఉన్న ఈ మ్యాచ్లో మరో 419 పరుగులు చేస్తే లంక విజయం సాధిస్తుంది.
అంతకుముందు రెండో ఇన్నింగ్స్లో భారీ స్కోరు నమోదు చేసింది టీమ్ఇండియా. రిషభ్ పంత్ (50), శ్రేయస్ అయ్యర్ (67) అర్ధశతకాలతో చెలరేగిన వేళ 9 వికెట్ల నష్టానికి 303 పరుగుల వద్ద ఇన్నింగ్స్ను డిక్లేర్ చేసింది. దీంతో భారత్కు 447 పరుగుల భారీ ఆధిక్యం లభించింది.
