జడేజా సూపర్ క్యాచ్.. కొద్దిలో ప్రమాదం మిస్‌!

ఆస్ట్రేలియాతో రెండో టెస్టులో అద్భుతమైన క్యాచ్​ పట్టిన జడేజా ఔరా అనిపించాడు. ఈ క్రమంలో యువ ఆటగాడు గిల్ తనను ఢీ కొట్టినప్పటికీ చాకచాక్యంగా పక్కకు తప్పుకుని​ ప్రమాదం జరగకుండా చేశాడు.

టీమ్‌ఇండియా ఆల్‌రౌండర్‌ రవీంద్ర జడేజా జట్టులో ఎంత ముఖ్యమైన ఆటగాడో మరోసారి నిరూపించుకున్నాడు. ఆస్ట్రేలియాతో జరుగుతున్న రెండో టెస్టు తొలి సెషన్‌లో ఓ అద్భుత క్యాచ్‌ అందుకొని అభిమానుల మన్ననలు పొందాడు. ఈ మ్యాచ్‌లో తొలుత టాస్ గెలిచి బ్యాటింగ్‌ ఎంచుకున్న ఆస్ట్రేలియా 10 పరుగులకే తొలి వికెట్‌ కోల్పోయింది. బుమ్రా బౌలింగ్‌లో ఓపెనర్‌ జో బర్న్స్‌(0) పరుగుల ఖాతా తెరవకుండానే పెవిలియన్‌ చేరాడు.

ఈ క్రమంలోనే జట్టు స్కోర్‌ 35 పరుగుల వద్ద మరో ఓపెనర్‌ మాథ్యూవేడ్‌(30) ఔటయ్యాడు. అశ్విన్‌ వేసిన 12.5 ఓవర్‌కు అతడు షాట్‌ ఆడగా.. బంతి గాల్లోకి లేచింది. వెంటనే స్పందించిన జడేజా ఆ బంతిని అందుకునే ప్రయత్నం చేశాడు. అయితే, అదే సమయంలో శుభ్‌మన్‌ గిల్‌ కూడా క్యాచ్‌ పట్టడానికి వచ్చాడు. ఇద్దరూ ఒకరినొకరు ఢీకొట్టుకున్నప్పటికీ.. అప్పటికే జడ్డూ ఆ బంతిని ఒడిసిపట్టాడు. దీంతో కంగారూల జట్టు రెండో వికెట్‌ కోల్పోయింది. గిల్‌ పరుగెత్తుకు వచ్చి బలంగా తాకినా ఈ మేటి ఆల్‌రౌండర్‌ బంతిని వదలకుండా అలాగే పట్టుకున్నాడు. ఈ వీడియోను ఓ ఆస్ట్రేలియా క్రికెట్‌ వెబ్‌సైట్‌ ట్విటర్‌లో పంచుకోవడంతో అది చూసిన అభిమానులు జడ్డూను ప్రశంసిస్తున్నారు.

• Almost disaster! But Jadeja held his ground and held the catch! @hcltech | #AUSvIND pic.twitter.com/SUaRT7zQGx

  — cricket.com.au (@cricketcomau) December 26, 2020 " class="align-text-top noRightClick twitterSection" data="

  Almost disaster! But Jadeja held his ground and held the catch! @hcltech | #AUSvIND pic.twitter.com/SUaRT7zQGx

  — cricket.com.au (@cricketcomau) December 26, 2020

  ">

  Almost disaster! But Jadeja held his ground and held the catch! @hcltech | #AUSvIND pic.twitter.com/SUaRT7zQGx

  — cricket.com.au (@cricketcomau) December 26, 2020

ఇదీ చూడండి:2020 రౌండప్: లోకాన్ని విడిచి.. మదిలో నిలిచి!