IND Vs WI Series: ఈ ఏడాది ఆగస్టు నెలలో వెస్టిండీస్‌తో భారత క్రికెట్ జట్టు.. అమెరికాలో రెండు టీ20 మ్యాచ్లు ఆడనుంది. మూడు వన్డేలు, ఐదు టీ20ల కోసం భారత జట్టు.. విండీస్ పర్యటనకు వెళ్లనుంది. వెస్టిండీస్లో ఆరు మ్యాచ్లు ఆడనుండగా, చివరి రెండు టీ20లు యూఎస్‌లో జరుగుతాయి. ఈ రెండు మ్యాచ్లను.. ఫ్లోరిడాలోని లాడర్‌హిల్‌లో నిర్వహించనుంది వెస్టిండీస్ క్రికెట్ బోర్డు. కాగా, ఈ సిరీస్.. జులై చివరి వారంలో ప్రారంభమై ఆగస్టు మొదటి వారంలో ముగియనుందని సమాచారం.
India Matches In US: ఫ్లోరిడాలోని లాడర్హిల్ స్టేడియం ఇప్పటికే ఆరు అంతర్జాతీయ మ్యాచ్లకు ఆతిథ్యాన్నిచ్చింది. 2016, 2019 సంవత్సరాల్లో టీమ్ఇండియా ఈ స్టేడియంలో నాలుగు మ్యాచ్లు ఆడింది. టీమ్ఇండియా పర్యటన షెడ్యూల్ త్వరలోనే ప్రకటిస్తామని, ఆగస్టు 6, 7 తేదీల్లో రెండు మ్యాచ్లు జరిగే అవకాశాలున్నాయని ఓ బీసీసీఐ అధికారి చెప్పారు.
ఇంగ్లండ్ నుంచి నేరుగా వెస్టిండీస్కు: ఇంగ్లండ్ జట్టుతో పెండింగ్‌లో ఉన్న టెస్ట్ మ్యాచ్, ఆరు వన్డే మ్యాచ్లు ఆడిన తర్వాత భారత్ జట్టు నేరుగా వెస్టిండీస్కు చేరుకుంటుంది. బీసీసీఐ త్వరలోనే ఇంగ్లండ్ టూర్‌తో పాటు కరీబియన్ టూర్‌కు సంబంధించిన జట్టును ప్రకటించనుంది. భారత్‌తో సిరీస్ పూర్తయిన తర్వాత, వెస్టిండీస్ ఆటగాళ్లు ఆగస్టు 29న ప్రారంభం కానున్న కరీబియన్ ప్రీమియర్ లీగ్లో పాల్గొంటారు.
ఇదీ చదవండి: పొవార్ స్థానంలో లక్ష్మణ్!.. అమ్మాయిల రాత మారేనా?
