కామన్వెల్త్ క్రీడల్లోకి క్రికెట్ పునరాగమనం చేయబోతోంది. 2022 బర్మింగ్ హామ్ కామన్వెల్త్ క్రీడల మహిళ క్రికెట్లో 8 జట్లు బరిలో దిగుతాయని సోమవారం ఐసీసీ ప్రకటించింది. టీ20 ఫార్మాట్లో జరిగే టోర్నీలో ఆతిథ్య ఇంగ్లాండ్, టీమ్ఇండియా, ఆస్ట్రేలియా, న్యూజిలాండ్, పాకిస్థాన్, దక్షిణాఫ్రికాతో పాటు కరీబియన్ దీవుల నుంచి ఒక జట్టు అర్హత సాధించినట్లు వెల్లడించింది.
ఏప్రిల్ 1 వరకు ఉన్న ర్యాంకింగ్స్ ఆధారంగా ఆయా జట్లను ఐసీసీ ఎంపిక చేసింది. వచ్చే ఏడాది జనవరిలో క్వాలిఫయింగ్ టోర్నీ ద్వారా 8వ జట్టును ఎంపిక చేయనున్నట్లు ఐసీసీ పేర్కొంది.
"కరీబియన్ దీవుల నుంచి ఏ జట్టు బరిలో ఉంటుందన్నది అర్హత టోర్నీ ద్వారా నిర్ణయిస్తాం. కరీబియన్ మహిళా క్రికెటర్లు తమ దేశాల తరఫున ఆడుతున్నారు. 2022 జనవరిలో జరిగే అర్హత టోర్నీ ద్వారా 8వ జట్టును ప్రకటిస్తాం."
- అంతర్జాతీయ క్రికెట్ మండలి(ఐసీసీ)
1998 కౌలాంలపూర్ కామన్వెల్త్ క్రీడల్లో తొలిసారిగా పురుషుల క్రికెట్ను చేర్చారు. ఆ క్రీడల్లో దక్షిణాఫ్రికా విజేతగా నిలిచింది. అనంతరం కామన్వెల్త్ క్రీడలకు క్రికెట్ దూరంగా ఉంది.
ఇదీ చూడండి.. ఎట్టకేలకు గెలుపు బాట పట్టిన కోల్కతా
