ఐసీసీ టీ20, వన్డే జట్ల వార్షిక ర్యాంకింగ్లను ప్రకటించింది అంతర్జాతీయ క్రికెట్ మండలి(ఐసీసీ). తాజా జాబితాలో పొట్టి ఫార్మాట్లో రెండో స్థానాన్ని నిలబెట్టుకుంది. ఈ విభాగంలో 277 పాయింట్లతో ఇంగ్లాండ్ అగ్రస్థానాన్ని దక్కించుకుంది. పాకిస్థాన్తో సిరీస్ను 1-1తో ముగించిన ఇంగ్లాండ్.. ఆస్ట్రేలియాను 2-1తో ఓడించింది. దక్షిణాఫ్రికాపై 3-0 తేడాతో విజయకేతనం ఎగురవేసింది. దీంతో అగ్రస్థానాన్ని చేజిక్కించుకుంది.
ఇదీ చదవండి: 'వాళ్లు ఇంకా ఐపీఎల్లో ఆడటం ఆశ్చర్యంగా ఉంది'
తదుపరి స్థానంలో ఉన్న భారత్కు, ఇంగ్లాండ్కు మధ్య 5 పాయింట్ల తేడా మాత్రమే ఉంది. కాగా, ర్యాంకింగ్స్కు ముందు ఐదో స్థానంలో ఉన్న న్యూజిలాండ్ తన స్థానాన్ని మెరుగుపరుచుకుంది. ప్రస్తుతం 263 పాయింట్లతో మూడో స్థానంలో కొనసాగుతోంది. వెస్టిండీస్, ఆసీస్, పాకిస్థాన్, బంగ్లాదేశ్తో సిరీస్ విజయాలను నమోదు చేయడం కివీస్కు కలిసొచ్చింది. మూడో స్థానంలో ఉన్న ఆసీస్.. ఐదో స్థానానికి పడిపోయింది. శ్రీలంక, బంగ్లాదేశ్ జట్లు ఒక్కొక్క స్థానాన్ని మెరుగుపరుచుకున్నాయి. వరుసగా 8, 9 స్థానాల్లో కొనసాగుతున్నాయి. విండీస్ మాత్రం పదో స్థానానికి పడిపోయింది.
ఇదీ చదవండి: కోల్‌కతా ఆటగాళ్లకు కరోనా.. బెంగళూరుతో మ్యాచ్ వాయిదా
ఇక వన్డే వార్షిక ర్యాంకింగ్ల్లో టీమ్ఇండియా మూడో స్థానానికి పడిపోయింది. ఈ జాబితాలో కివీస్ జట్టు తొలి స్థానాన్ని కైవసం చేసుకుంది. ఇంతకుముందు అగ్రస్థానంలో ఉన్న ఇంగ్లాండ్.. ప్రస్తుత జాబితాలో నాలుగో ర్యాంకుకు పడిపోయింది. ఇక నాలుగో స్థానంలో ఉన్న ఆస్ట్రేలియా రెండో స్థానాన్ని దక్కించుకుంది.
కొత్తగా వన్డే ర్యాంకింగ్ల్లో నెదర్లాండ్స్ జట్టు ప్రవేశించింది. ఇప్పటివరకు ఆ జట్టు నాలుగు వన్డేలు మాత్రమే ఆడింది. కొవిడ్ వల్ల మ్యాచ్లు వాయిదా పడటం వల్ల ర్యాంకింగ్ల్లో చోటు కల్పించింది. ప్రస్తుత జాబితాలో పాకిస్థాన్, అఫ్గానిస్థాన్ జట్లు పాత స్థానాల్లోనే ఉన్నాయి. ఆ టీమ్ల ర్యాంకుల్లో మార్పులేమీ జరగలేదు. అఫ్గానిస్థాన్ వన్డేల్లో 10, టీ20ల్లో 7వ స్థానంలో ఉండగా.. పాక్ వన్డేల్లో 6, పొట్టి ఫార్మాట్లో 4 స్థానాలను దక్కించుకుంది.
పాకిస్థాన్-జింబాబ్వే మధ్య జరుగుతున్న టెస్ట్ సిరీస్ ముగిశాక వార్షిక టెస్టు ర్యాంకింగ్స్ను ప్రకటించనుంది ఐసీసీ.
ఇదీ చదవండి: ఫ్యాన్స్ ఆందోళనతో ఫుట్బాల్ మ్యాచ్ వాయిదా
