Ind vs Wi Odi : వెస్టిండీస్తో మూడు వన్డేల సిరీస్ను టీమ్ఇండియా విజయంతో ప్రారంభించింది. కానీ ఈ మ్యాచ్లో భారత్.. 115 పరుగుల లక్ష్యాన్ని ఛేదించేందుకు తీవ్రంగ శ్రమించాల్సి వచ్చింది. చిన్న టార్గెట్ను ఛేదించే క్రమంలో భారత్ ఏకంగా ఐదు వికెట్లు కోల్పోవడం ఫ్యాన్స్లో గుబులు పుట్టించింది.
గత కొంతకాలంగా ఫామ్లోలేని విండీస్పైనే ఇలా ఆడితే.. ప్రపంచకప్లో పెద్ద పెద్ద జట్లను ఎలా ఎదుర్కోగలదని అభిమానులు ఆందోళన చెందుతున్నారు. మరో మూడు నెలల్లో ప్రారంభమయ్యే మెగాటోర్నీ కోసం సన్నద్ధమవుతున్న ఈ సమయంలో.. గురువారం మ్యాచ్లో టీమ్ఇండియా చేసిన ప్రయోగాల పట్ల నెటిజన్లు మండిపడుతున్నారు. మరి అవేంటో చూద్దాం.
ఈ పర్యటనలో మొదటి నుంచి టీమ్ఇండియానే ఫేవరెట్గా ఉంది. ఇక వరల్డ్ కప్ క్వాలిఫయర్స్లో పేలవమైన ఆటతీరుతో టోర్నీకి అర్హత సాధించని విండీస్.. అసలు భారత్కు పోటీగా నిలుస్తుందా అని అనుకున్నారంతా. అలాంటి విండీస్పై టాస్ గెలవగానే కెప్టెన్ రోహిత్ బౌలింగ్ ఎంచుకున్నాడు. ఇక ఛేజింగ్లో బ్యాటింగ్ ఆర్డర్ను మార్చి.. యువ ఆటగాళ్లకు అవకాశం కల్పించింది మేనేజ్మెంట్. అయితే కుర్రాళ్లకు ఎక్కువసేపు బ్యాటింగ్ చేసే అవకాశం ఇవ్వాలని భావించినట్లు అర్థమవుతోంది.
అలాంటప్పుడు టాస్ గెలిచిన వెంటనే బ్యాటింగ్ ఎంపిక చేసుకోవాల్సింది అని ఫ్యాన్స్ అంటున్నారు. అయినప్పటికీ ఛేజింగ్లో యంగ్ ప్లేయర్లెవరూ ప్రభావం చూపలేదు. ఓపెనింగ్లో వచ్చిన ఇషాన్ కిషన్ ఒక్కడే అర్ధశతకం సాధించాడు. మిగతావారెవరు కూడా కనీసం 30 బంతులు ఎదుర్కోలేదు. దీంతో తొలుత బ్యాటింగ్ చేస్తే.. వారికి క్రీజులో ఎక్కువసేపు గడిపే అవకాశం ఉండేదని వాదనలు వినిపిస్తున్నాయి.
Team India Batting Order : ఇక బ్యాటింగ్లో చేసిన ప్రయోగం విఫలమైందనే చెప్పాలి. అయితే టార్గెట్ చిన్నదైన క్రమంలో ఇలాంటి ప్రయోగాల్ని తప్పుబట్టలేం. కానీ స్వల్ప లక్ష్యానికే యంగ్ బ్యాటర్లు ఒత్తిడిని అధిగమించలేకపోయారు. వన్ డౌన్లో వచ్చిన సూర్య.. మూడు ఫోర్లు, ఓ సిక్స్తో టచ్లోకి వచ్చినట్లు కనిపించినా అతడు మోతి బౌలింగ్లో ఎల్బీగా వెనుదిరిగాడు. మిడిల్, లోయార్డర్లో బ్యాటింగ్ చేసే హార్దిక్, జడేజాలను ముందుగా పంపితే హార్దిక్ రనౌట్ అయ్యాడు. టీమ్ఇండియా.. కుర్రాళ్లతో ప్రయోగం చేయడానికి బ్యాటింగ్ ఆర్డర్ను మొత్తం డిస్ట్రబ్ చేయాల్సి వచ్చింది. ఈ ఫలితంగా రోహిత్ నెంబర్ ఏడులో రాగా.. విరాట్కు బ్యాటింగ్ చేసే ఛాన్స్ రాలేదు.
ఒకవేళ లక్ష్యం ఇంకో వంద పరుగులు అదనంగా ఉండి ఉంటే.. మ్యాచ్ ఫలితం తప్పకుండా మారి ఉండేదని నెటిజన్ల అభిప్రాయం. స్టార్ బ్యాటర్లు రోహిత్, విరాట్ విఫలమైతే.. జట్టు పరిస్థితి ఏంటా అని టీమ్ఇండియా ఫ్యాన్స్ సందేహంలో పడ్డారు. ఇకనైనా ఎలాంటి ప్రయోగాలకు పోకుండా రానున్న సిరీస్ల్లో విజయాల పరంపర సాగించాలని ఆశిస్తున్నారు.
