IND vs WI 2nd T20: విండీస్తో మూడో టీ20లో టీమ్ఇండియా బ్యాటర్లు విజృంభించారు. టాస్ ఓడి బ్యాటింగ్కు దిగిన భారత్.. నిర్ణీత 20 ఓవర్లలో 5 వికెట్ల నష్టానికి 184 పరుగులు చేసింది. సూర్యకుమార్ యాదవ్ అర్థశతకతంతో(31 బంతుల్లో 65 పరుగులు) చెలరేగగా.. గత రెండు మ్యాచ్ల్లో తడబడిన ఇషాన్ కిషాన్(31 బంతుల్లో 34 పరుగులు) ఈ మ్యాచ్లో రాణించాడు. విరాట్ కోహ్లీ, రిషబ్ పంత్లకు విశ్రాంతి ఇవ్వగా.. ఈ మ్యాచ్లో చోటు దక్కించుకున్న రుతురాజ్ గైక్వాడ్(4) స్వల్ప వ్యక్తిగత స్కోరుకే వెనుదిరిగాడు.
గైక్వాడ్ తర్వాత వచ్చిన శ్రేయస్ అయ్యర్.. 25 పరుగు చేసి హేడెన్ వాల్ష్ బౌలింగ్ హోల్డర్కు చిక్కాడు. తర్వాత బ్యాటింగ్ వచ్చిన రోహిత్(7) వ్యక్తిగత స్కోరు వద్ద డొమినిక్ డ్రేక్స్ బౌలింగ్లో బౌల్డ్ అయ్యాడు.
ఆ తర్వాత సూర్యకుమార్.. వెంకటేశ్ అయ్యర్లు చివరి వరకు దూకుడుగా ఆడి స్కోరు బోర్డును పరుగులు పెట్టించారు. వెంకటేశ్ అయ్యర్ 19 బంతుల్లో 35 పరుగులు చేశాడు.
విండీస్ బౌలర్లలో జేసన్ హోల్డర్, రోస్టన్ చేజ్, డొమినిక్ డ్రేక్స్, హేడెన్ వాల్ష్, షెపర్డ్ చెరో వికెట్ తీశారు.
ఇదీ చూడండి: Harbhajan Singh: 'సాహాలా ఎవరికీ జరగకుండా చూడండి'
