IND vs WI 2nd T20: విండీస్ రెండో టీ20లో టీమ్ఇండియా బ్యాట్స్మెన్ చెలరేగారు. టాస్ ఓడి బ్యాటింగ్కు దిగిన భారత్ 20 ఓవర్లలో 5 వికెట్ల నష్టానికి 186 పరుగులు చేసింది. గత కొంతకాలంగా బ్యాటింగ్లో తడపడుతున్న విరాట్ కోహ్లీ.. ఈ మ్యాచ్తో ఫామ్లోకి వచ్చాడు. 41 బంతుల్లో 52 పరుగులు చేసి జట్టు స్కోరులో కీలక పాత్ర పోషించాడు. ఈ ఇన్నింగ్స్లో ఏడు ఫోర్లు ఒక సిక్సర్ బాదాడు. కానీ రోస్టన్ ఛేజ్ బౌలింగ్లో క్లీన్ బౌల్డ్ అయ్యాడు.
ఆ తర్వాత రిషబ్ పంత్, వెంకటేశ్ అయ్యర్లు చివరి ఓవర్లలో దూకుడుగా ఆడి స్కోరు బోర్డును పరుగులు పెట్టించారు. ఏడు ఫోర్లు ఓ సిక్సర్ బాదిన పంత్ 28 బంతుల్లో 52 పరుగులు చేశాడు. మరోవైపు అయ్యర్ 18 బంతుల్లో 33 పరుగులు చేశాడు.
విండీస్.. టీమ్ఇండియాను కట్టడి చేయాలని భావించినా విఫలమైంది. అలెన్ స్థానంలో జట్టులోకి వచ్చిన హోల్డర్ భారీగా పరుగులు సమర్పించాడు.
ఇదీ చూడండి : అండర్-19 ప్రపంచకప్ హీరోపై ఆ ఆరోపణలు!
