IND VS SouthAfrica first test: దక్షిణాఫ్రికాతో జరుగుతున్న మొదటి టెస్ట్ ఆఖరి రోజు ఆటలో లంచ్ బ్రేక్ను ప్రకటించారు. ఈ సమయానికి టీమ్ఇండియా విజయానికి మూడు వికెట్ల దూరంలో నిలిచింది. రెండో ఇన్నింగ్స్ ఆడుతున్న ఇంగ్లాండ్ ఏడు వికెట్ల నష్టానికి 182 పరుగలు చేసింది. క్రీజలో బావుమా (34 ), మార్కో జాన్‌సెన్‌ (5) ఉన్నారు. కాగా, దక్షిణాఫ్రికా విజయం సాధించాలంటే మరో 123 పరుగులు చేయాలి. రెండో ఇన్నింగ్స్లో టీమ్ఇండియా బౌలర్లలో బుమ్రా 3, షమి 2, సిరాజ్‌ 2 వికెట్లు పడగొట్టారు.
ఓవర్‌ నైట్‌ స్కోరు 94/4తో ఐదో రోజు ఆట ప్రారంభించిన ప్రొటీస్ జట్టుకు 51వ ఓవర్‌లో బుమ్రా షాకిచ్చాడు. కెప్టెన్‌ డీన్‌ ఎల్గర్ను(77) వికెట్ల ముందు దొరకబుచ్చుకున్నాడు. దీంతో 130 పరుగుల వద్ద దక్షిణాఫ్రికా ఐదో వికెట్ కోల్పోయింది. తర్వాత క్రీజులోకి వచ్చిన క్వింటన్‌ డికాక్ (21) కాసేపు నిలకడగా ఆడినా.. సిరాజ్‌ వేసిన 60వ ఓవర్‌లో క్లీన్ బౌల్డ్‌ అయ్యాడు. షమి వేసిన తర్వాతి ఓవర్‌లోనే ముల్డర్‌ (1) కూడా ఔటయ్యాడు. తర్వాత మార్కో జాన్‌సెన్‌ క్రీజులోకి వచ్చాడు. వీరిద్దరూ మరో వికెట్ పడకుండా జాగ్రత్తగా ఆడుతున్నారు.
ఇదీ చూడండి: Team India Batting Coach: 'కోహ్లీ బలమే.. బలహీనతగా మారొచ్చు'
