IND VS SL first test: టీమ్ఇండియా, శ్రీలంక జట్ల మధ్య మొహాలీ వేదికగా జరుగుతున్న తొలి టెస్టులో టీమ్ఇండియా భారీ స్కోరు చేసింది. రెండో రోజు లంచ్ సమయానికి 7 వికెట్లకు 468 పరుగులు చేసింది. రవీంద్ర జడేజా సెంచరీతో(102 నాటౌట్) అదరగొట్టాడు. అశ్విన్ 61 పరుగులు చేసి వెనుదిరిగాడు. జడేజా, జయంత్ యాదవ్(2) క్రీజులో ఉన్నారు. లంక బౌలర్లలో లక్మల్, ఎంబుల్దేనియా చెరో రెండు వికెట్లు తీశారు. ఫెర్నాండో, కుమార, ధనంజయ డిసిల్వా ఒక్కో వికెట్ తీశారు.
నలుపు రంగు బ్యాండ్లు ధరించి..
ఆస్ట్రేలియా దిగ్గజ ఆటగాళ్లు షేన్ వార్న్, రోడ్నీ మార్ష్ శుక్రవారం మృతి చెందారు. అందుకు సంఘీభావంగా శనివారం మ్యాచ్ ప్రారంభానికి ముందు భారత, శ్రీలంక ఆటగాళ్లంతా నిమిషం మౌనం పాటించారు. నలుపు రంగు బ్యాండ్లు చేతికి ధరించి సంతాపం తెలిపారు.
ఇదీ చదవండి: Ball of The Century: షేన్‌వార్న్‌ 'బాల్‌ ఆఫ్‌ ది సెంచరీ' చూసేయండి..
