తొలి టీ20 ఓటమి నేపథ్యంలో రెండో మ్యాచ్తోనైనా తిరిగి ఫామ్లోకి రావాలనుకున్న టీమ్ఇండియాకు నిరాశే మిగిలింది. సఫారీలు మరోసారి విజృంభించారు. అటు బ్యాటింగ్.. ఇటు బౌలింగ్తో చెలరేగారు. ఫలితంగా టీమ్ఇండియాపై నాలుగు వికెట్ల తేడాతో దక్షిణాఫ్రికా జట్టు విజయం సాధించింది. వికెట్ కీపర్ బ్యాట్స్మెన్ క్లాసెన్ 7 ఫోర్లు, 5 సిక్సర్లతో 46 బంతుల్లోనే 81 పరుగులు బాది జట్టు విజయంలో కీలక పాత్ర పోషించాడు. తెంబా బవుమా (35; 30 బంతుల్లో 4 ఫోర్లు, 1 సిక్స్‌) రాణించాడు.
అంతకుముందు.. టాస్ ఓడి బ్యాటింగ్కు దిగిన భారత్ సఫారీల బౌలింగ్కు తడబడింది. ఓపెనర్ రుజురాజ్ గైక్వాడ్ ఒక్క పరుగు చేసి వెనుతిరగగా.. ఇషాన్ కిషన్ 21 బంతుల్లో 34 పరుగులు చేసి పెవిలియన్ చేరాడు. శ్రేయస్ అయ్యర్ 40(35), దినేశ్ కార్తిక్ 30*(21) మినహా ఇతర ఆటగాళ్లు చాలా స్వల్ప స్కోరు చేసి వెనుదిరిగారు. దీంతో 20 ఓవర్లకు 6 వికెట్ల నష్టానికి టీమ్ఇండియా 148 పరుగులు మాత్రమే చేయగలిగింది. భారత బౌలర్లలో భువనేశ్వర్‌ కుమార్‌ మూడు ఓవర్లు బౌలింగ్ చేసి కేవలం 13 పరుగులిచ్చి 4 వికెట్లు పడగొట్టాడు. హర్షల్‌ పటేల్, చాహల్‌ తలో వికెట్ తీశారు. ఈ విజయంతో సిరీస్‌లో 2-0 ఆధిక్యంలోకి దక్షిణాఫ్రికా దూసుకెళ్లింది. వైజాగ్‌ వేదికగా మంగళవారం (జూన్‌ 14) మూడో టీ20 జరగనుంది.
ఇదీ చూడండి : 'భారత్పై ఆ ఓటమిని తట్టుకోలేకపోతున్నా.. నేను ఉండుంటే..'
