రోహిత్ ముందు గోల్డెన్ ఛాన్స్- 17 ఏళ్లలో ఇదే తొలిసారి- భారత్xసౌతాఫ్రికా ఇంట్రెస్టింగ్ ఫ్యాక్ట్స్​

Ind vs Sa 1st Test : రోహిత్ శర్మ సారథ్యంలోని టీమ్ఇండియా సౌతాఫ్రికాతో టెస్టు సిరీస్ ఆడేందుకు సిద్ధమైంది. సఫారీ గడ్డపై టెస్టు సిరీస్ విజయం మూడు దశాబ్దాలుగా టీమ్ఇండియాకు అందని ద్రాక్షలా ఉంది. అయితే ఇప్పుడు ఆ సిరీస్ విజయాన్ని అందించిన తొలి భారత కెప్టెన్​గా నిలిచేందుకు రోహిత్ ముందు ఓ అవకాశం ఉంది.

Ind vs Sa 1st Test : సౌతాఫ్రికా గడ్డపై చరిత్ర సృష్టించేందుకు కెప్టెన్ రోహిత్ శర్మకు మంచి అవకాశం వచ్చింది. గతంలో ఎనిమిదిసార్లు సఫారీ గడ్డపై భారత్ టెస్టు సిరీస్​ ఆడింది. ఎందరు కెప్టెన్లు మారినా అందులో ఒక్క సిరీస్​నూ భారత్ దక్కించుకోలేదు. టీమ్ఇండియాకు వన్డే వరల్డ్​కప్​ సాధించిన కెప్టెన్ ఎంఎస్ ధోనీ సారథ్యంలోనూ భారత్ భంగపడింది. అయితే తొలిసారి సౌతాఫ్రికా గడ్డపై భారత్​కు టెస్టు సిరీస్ విజయాన్ని అందించిన కెప్టెన్​గా నిలిచేందుకు రోహిత్​ ముందు ఓ అద్భుతమైన అవకాశం ఉంది.

ఇక రోహిత్ తన కెప్టెన్సీ వ్యూహాలకు పదునుపెట్టి అటు బ్యాటింగ్​లోనూ రాణిస్తే టీమ్ఇండియాకు తిరుగుండదు. స్టార్ బ్యాటర్ విరాట్ కోహ్లీ, యంగ్ బ్యాటర్ శుభ్​మన్ గిల్, కేఎల్ రాహుల్ క్రీజులు ఎక్కువసేపు నిలిస్తే భారత్​కు భారీ స్కోర్ ఖాయం. అయితే పూర్తిగా పేస్, బౌన్స్​కు అనుకూలించే సౌతాఫ్రితా పిచ్​లపై ప్రత్యర్థి బౌలర్లను ఎలా ఎదుర్కొంటారనేది ఆసక్తిగా మారింది. ముఖ్యంగా తక్కువ అనుభవం ఉన్న గిల్, జైశ్వాల్, అయ్యర్, భరత్​పై ఒత్తిడి తీవ్రంగా ఉండే ఛాన్స్ ఉంది. అటు బౌలింగ్​లో మహ్మద్ సిరాజ్, జస్ప్రీత్ బుమ్రా, రవిచంద్రన్ అశ్విన్, రవీంద్ర జడేజా సఫారీ బ్యాటర్లను ఒత్తిడిలోకి నెట్టగలిగితే టీమ్ఇండియాకు అవకాశాలు ఎక్కువగా ఉంటాయి.

• It is time for the Test series and Captain Rohit Sharma is READY! 💪🏾🙌🏽#TeamIndia | @ImRo45 | #SAvIND pic.twitter.com/EYwvGjuKGw

  — BCCI (@BCCI) December 24, 2023 " class="align-text-top noRightClick twitterSection" data="

  It is time for the Test series and Captain Rohit Sharma is READY! 💪🏾🙌🏽#TeamIndia | @ImRo45 | #SAvIND pic.twitter.com/EYwvGjuKGw

  — BCCI (@BCCI) December 24, 2023

  ">

  It is time for the Test series and Captain Rohit Sharma is READY! 💪🏾🙌🏽#TeamIndia | @ImRo45 | #SAvIND pic.twitter.com/EYwvGjuKGw

  — BCCI (@BCCI) December 24, 2023

అదే ఆఖరిది : టీమ్ఇండియా స్టార్ బ్యాటర్ విరాట్ కోహ్లీ 2021లో సౌతాఫ్రికాతో టెస్టు మ్యాచ్​ తర్వాత కెప్టెన్సీకి గుడ్​బై చెప్పాడు. అయితే అంతకుముందే టీ20, వన్డే కెప్టెన్సీ నుంచి తప్పుకున్న విరాట్ కొంతకాలం టెస్టుల్లో కెప్టెన్​గా కొనసాగాడు. ఇక 2021లో సఫారీలతో టెస్టు సిరీస్ అనంతరం విరాట్ సారధ్య బాధ్యతలు వదులుకున్నాడు. అప్పట్నుంచి రోహిత్ శర్మ అన్ని ఫార్మాట్​ల కెప్టెన్​గా కెరీర్ ప్రారంభించాడు.

గతంలో కంటే భిన్నంగా : భారత్- సౌతాఫ్రికా గత టెస్టు సిరీస్​ కంటే ప్రస్తుతం టీమ్ఇండియా చాలా భిన్నమైన జట్టుతో ఉంది. జట్టులో చాలా మార్పులు జరిగాయి. దాదాపు జట్టు నిండా యంగ్ ప్లేయర్లే. సీనియర్లు ఛెతేశ్వర్ పుజారా, అజింక్యా రహానే ప్రస్తుత జట్టులో లేరు. ఈ ఇద్దరూ లేకుండా టీమ్ఇండియా, సఫారీ గడ్డపై టెస్టు ఆడడం 17 ఏళ్లలో ఇదే తొలిసారి.