Ind Vs Pak Asia Cup 2023 : ప్రపంచవ్యాప్తంగా క్రికెట్‌ అభిమానులు ఆత్రుతగా ఎదురు చూస్తోన్న రోజు వచ్చేసింది. భారత్ - పాకిస్థాన్ మ్యాచ్‌కు సమయం ఆసన్నమైంది. హోరా హోరీగా జరగనున్న ఈ మ్యాచ్లో భాగంగా టాస్ గెలుచుకున్న టీమ్ఇండియా బ్యాటింగ్ ఎంచుకుంది.
Rohit Sharma Asia Cup 2023 : మరోవైపు 2019 వన్డే ప్రపంచకప్‌లో పాక్‌పై మెరుపు శతకం బాదిన రోహిత్.. ఇప్పుడు కెప్టెన్‌గా అలాంటి ఇన్నింగ్స్‌తోనే జట్టును ముందుండి నడిపించాల్సి ఉంది. తొలిసారి పాక్‌ను ఎదుర్కొనబోతున్న శుభ్మన్ ఎలాంటి ప్రదర్శన చేస్తాడన్నది ఈ మ్యాచ్లో ఆసక్తికరమైన విషయం. ఇక గాయం తర్వాత పునరాగమనం చేస్తున్న శ్రేయస్ అయ్యర్ మీద కూడా అందరి దృష్టి పడింది. మిడిలార్డర్లో హార్దిక్ కీలకం కానున్నాడు. జడేజా కూడా చివర్లో మెరుపులు మెరిపిస్తాడని జట్టు ఆశిస్తోంది.
Virat Innigs In Asia Cup : అయితే పాకిస్థాన్‌తో మ్యాచ్ అనగానే బ్యాటింగ్‌లో అందరి దృష్టీ కోహ్లి మీదికే మళ్లుతుంది. ఆ జట్టుపై అతడికి మంచి రికార్డుంది. పాక్‌పై 13 వన్డేల్లో 48.72 సగటుతో 2 సెంచరీలు, 2 అర్ధసెంచరీలు సహా 536 పరుగులు చేశాడు విరాట్. టీ20ల్లో ఆ జట్టుపై 10 మ్యాచ్‌లాడి 81.33 సగటుతో 488 పరుగులు సాధించాడు.
గత ఏడాది జరిగిన టీ20 ప్రపంచకప్‌లో కోహ్లి ఆడిన ఇన్నింగ్స్‌ను అభిమానులు అంత సులువుగా మరిచిపోలేరు. ఓటమి ఖాయమనుకున్న సమయంలో విరాట్ అసాధారణంగా పోరాడి జట్టును గెలిపించాడు. పాక్‌తో మ్యాచ్ అనగానే కోహ్లిలో కూడా కసే వేరుగా ఉంటుంది. అందుకే శనివారం కూడా అతడి నుంచి జట్టు పెద్ద ఇన్నింగ్స్‌ ఆశిస్తోంది.ఇదిలా ఉండగా.. మధ్య ఓవర్లలో స్పిన్‌ త్రయం షాదాబ్, నవాజ్, అఘా సల్మాన్‌లను పాక్‌ ప్రయోగించబోతోంది.
భారత జట్టు..
రోహిత్ శర్మ (కెప్టెన్), శుభ్మన్ గిల్, ఇషాన్ కిషన్(వికెట్ కీపర్) , విరాట్ కోహ్లి, శ్రేయస్ అయ్యర్, హార్దిక్ పాండ్య, రవీంద్ర జడేజా, శార్దూల్ ఠాకూర్, కుల్దీప్ యాదవ్, జస్‌ప్రీత్‌ బుమ్రా, మహ్మద్ సిరాజ్.
పాకిస్థాన్ జట్టు..
ఫఖర్ జమాన్, మహ్మద్ రిజ్వాన్ (వికెట్ కీపర్), ఇమామ్ ఉల్ హక్, బాబర్ అజామ్ (కెప్టెన్), సల్మాన్ అలీ ఆఘా, ఇఫ్తికర్ అహ్మద్, షాదాబ్ ఖాన్, మహ్మద్ నవాజ్, షాహిన్ అఫ్రిది, నసీం షా, హ్యారిస్‌ రవూఫ్.
Rohit Sharma Asia Cup 2023 : రోహిత్ ముందు రెండు భారీ లక్ష్యాలు.. రాబోయే 3 నెల‌లు కీలకం..
