Ind vs Aus ODI 2023 : ప్రపంచంలో మేటి జట్లలో ఒకటైన ఆస్ట్రేలియాతో.. భారత్ ప్రపంచకప్ కంటే ముందు మూడు మ్యాచ్ల వన్డే సిరీస్ ఆడనుంది. ఈ సిరీస్ శుక్రవారం ప్రారంభంకానున్న విషయం తెలిసిందే. అయితే ఈ సిరీస్లో తొలి రెండు వన్డే మ్యాచ్లకు రెగ్యులర్ కెప్టెన్ రోహిత్ శర్మ సహా.. స్టార్ బ్యాటర్ విరాట్ కోహ్లీ, హార్దిక్ పాండ్యకు మేనేజ్మెంట్ విశ్రాంతినిచ్చింది. దీంతో ఈ మ్యాచ్ల్లో జట్టుకు కేఎల్ రాహుల్ నాయకత్వం వహిస్తాడు. అయితే మెగాటోర్నీ కంటే ముందు.. ప్లేయర్ల విషయంలో జట్టు మేనేజ్మెంట్ ఓ అంచనాకు రావడానికి ఈ సిరీస్ ఉపయోగపడనుంది.
ఛాన్స్ ఎవరికో.. సెప్టెంబర్ 28 వరకు ప్రపంచకప్ స్క్వాడ్లో మార్పులు చేసుకునేందుకు ఐసీసీ వీలు కల్పించింది. ఆయితే ఈ సిరీస్కు ఎంపికైన స్పిన్నర్ రవిచంద్రన్ అశ్విన్, బ్యాటర్ తిలక్ వర్మ, ఆల్రౌండర్ వాషింగ్టన్ సుందర్కు.. మెగాటోర్నీలో ఎంట్రీ ఇచ్చేందుకు ఛాన్స్ ఉంది. ఎలాగంటే శ్రేయస్ అయ్యర్, అక్షర్ పటేల్ గాయాల నుంచి ఇంకా కోలుకున్నట్లు లేరు. కానీ వీరిద్దరూ ప్రపంచకప్ స్క్వాడ్లో ఉన్నారు. ఒకవేళ వీరు సెప్టెంబర్ 28 లోపు పూర్తి స్థాయిలో గాయం నుంచి కోలుకోకపోతే.. వరల్డ్‌ కప్‌కు దాదాపు దూరమైనట్లే. దీంతో ప్రతిభ ఆధారంగా ఈ ముగ్గురిలో మేనేజ్మెంట్ ఎవరో ఇద్దరి వైరు మొగ్గు చూపవచ్చు.
తుదిజట్టు ఎలా ఉండనుంది.. ఆసీస్తో మొదటి మ్యాచ్లో ఎవరిని బరిలోకి దింపాలన్నది మేనేజ్మెంట్ సవాలే. ఆసియా క్రీడల్లో భారత్కు కెప్టెన్గా ఎంపికైన రుతురాజ్‌ గైక్వాడ్‌ కూడా ఈ సిరీస్కు ఎంపికయ్యాడు. కానీ రుతురాజ్‌ తుది జట్టులో ఉండేందుకు తక్కువ ఛాన్స్ ఉంది. అయినప్పటికీ జట్టుతోపాటు ఉండటం వల్ల.. అతడికి ఈ అనుభవం ఆసియా గేమ్స్‌లో ఉపయోగపడవచ్చు. ఇక శుభ్మన్ గిల్తో పాటు ఇషాన్ కిషన్ ఇన్నింగ్స్ ప్రారంభించే అవకాశాలున్నాయి. వన్ డౌన్లో కెప్టెన్ రాహుల్ వచ్చినా.. నాలుగో స్థానంలో అయ్యర్ లేదా తిలక్ ఆడవచ్చు. సూర్యకుమార్ యాదవ్ ఎప్పటిలాగే మిడిలార్డర్లోనే ఉండనున్నాడు. ముగ్గురు స్పిన్నర్లు కావాలనుకుంటే.. జడేజా, సుందర్, అశ్విన్ ఉంటారు. ఇక పేస్ విభాగాన్ని బుమ్రా, సిరాజ్, షమీ చూసుకుంటారు.
మ్యాచ్ ఎప్పుడు.. ఎక్కడ? సెప్టెంబర్ 22 శుక్రవారం మధ్యాహ్నం 1.30 గంటలకు భారత్-ఆస్ట్రేలియా మధ్య తొలి వన్డే ప్రారంభం కానుంది. ఈ పోరుకు మొహాలీ స్టేడియం వేదికకానుంది. ఇక స్పోర్ట్స్‌ 18 ఛానల్తోపాటు జియో సినిమా ఓటీటీలో లైవ్ చూడొచ్చు.
తుది జట్టు (అంచనా) :
భారత్.. కేఎల్ రాహుల్ (కెప్టెన్), శుభ్మన్ గిల్, ఇషాన్ కిషన్, శ్రేయస్/తిలక్, సూర్యకుమార్ యాదవ్, రవీంద్ర జడేజా, రవిచంద్రన్ అశ్విన్, వాషింగ్టన్ సుందర్, బుమ్రా, సిరాజ్, షమీ/శార్దూల్.
-
Coming 🆙 next 👉 #INDvAUS
— BCCI (@BCCI) September 18, 2023 " class="align-text-top noRightClick twitterSection" data="
Here are the #TeamIndia squads for the IDFC First Bank three-match ODI series against Australia 🙌 pic.twitter.com/Jl7bLEz2tK
">Coming 🆙 next 👉 #INDvAUS
— BCCI (@BCCI) September 18, 2023
Here are the #TeamIndia squads for the IDFC First Bank three-match ODI series against Australia 🙌 pic.twitter.com/Jl7bLEz2tKComing 🆙 next 👉 #INDvAUS
— BCCI (@BCCI) September 18, 2023
Here are the #TeamIndia squads for the IDFC First Bank three-match ODI series against Australia 🙌 pic.twitter.com/Jl7bLEz2tK
KL Rahul Australia Series : ఆస్ట్రేలియాతో తొలి వన్డే.. రాహుల్ కెప్టెన్సీ రికార్డులు ఎలా ఉన్నాయంటే?
Tilak Varma World Cup 2023 : హోల్డ్ ఆన్.. మనోడు ఇంకా ప్రపంచకప్ రేసులోనే.. సమీకరణాలు ఇవే!
