ఐదు టైటిళ్లతో ఆసీస్ ​- మూడోసారి గెలవాలని టీమ్ఇండియా - వరల్డ్​ కప్​ల్లో ఎవరి ప్రదర్శన ఎలా ఉందంటే?

Ind vs Aus Final 2023 : వరల్డ్​ కప్​ ఫైనల్​లో భాగంగా అహ్మదాబాద్​ వేదికగా టీమ్ఇండియా, ఆస్ట్రేలియా మధ్య ఫైనల్​ మ్యాచ్​ జరుగుతోంది. ముచ్చటగా మూడోసారి ప్రపంచ కప్ టైటిల్​ను ముద్దాడాలని టీమ్ఇండియా ఉవ్విళ్లూరుతోంది. మరోవైపు ఐదు సార్లు ప్రపంచ ఛాంపియన్​గా నిలిచిన ఆస్ట్రేలియా ఆరోసారి విశ్వ విజేతగా నిలవాలని తహతహలాడుతోంది. ఈ క్రమంలో ఇప్పటివరకు జరిగిన వరల్డ్​ కప్​లో ఇరు జట్లు ఎలాంటి ప్రదర్శన కనబర్చాయో తెలుసుకుందాం.

Ind vs Aus Final 2023 : అహ్మదాబాద్​.. నరేంద్ర మోదీ స్టేడియం వేదిక ఆదివారం టీమ్​ఇండియా, ఆస్ట్రేలియా మధ్య వరల్డ్​ కప్​ 2023 ఫైనల్​ జరుగుతోంది. ఈ నేపథ్యంలో ప్రపంచ వ్యాప్తంగా క్రికెట్ అభిమానులు విశ్వ విజేత ఎవరా అని ఉత్కంఠతో ఎదురుచూస్తున్నారు. ఈ క్రమంలో ఇప్పటివరకు జరిగిన ఐసీసీ క్రికెట్ వరల్డ్​ కప్​ల్లో భారత్​, ఆస్ట్రేలియా చేసిన పెర్ఫార్మెన్స్​లపై ఓ లుక్కేద్దాం.

కొన్నేళ్లుగా ఐసీసీ టోర్నమెంట్​ల్లో టీమ్ఇండియాకు నిరాశ ఎదురవుతోంది. ఇలాంటి టోర్నీల్లో లీగ్​ దశలో భారత్​ బాగానే ఆడుతున్నా.. నాకౌట్​/ ఫైనల్స్​కు వచ్చేసరికి విఫలమవుతున్నాయి. అయితే ఈ సారి మాత్రం టీమ్ఇండియా లీగ్​ స్టేజ్​లో, సెమీ ఫైనల్స్​లో అప్రతిహతంగా దూసుకెళ్లింది. వరుసగా 10 మ్యాచ్​లో విజయం సాధించింది. అన్ని విభాగాల్లో అద్భుత ప్రదర్శన చేసింది. అయితే గత వరల్డ్ కప్​ల్లో టీమ్ఇండియా చేసిన అత్యుత్తమ ప్రదర్శనలను పరిశీలిద్దాం.

ముచ్చటగా మూడోసారి ముద్దాడాలని..
1975లో జరిగిన తొలి వరల్డ్​ కప్ ఎడిషన్​లో భారత్​ పేలవ ప్రదర్శ చేసింది. ఆ తర్వాత 1979లో జరిగిన ప్రపంచ కప్​లోనూ అదే తీరు కొనసాగించింది. అయితే 1983లో జరిగిన వరల్డ్​ కప్​లో మెన్​ఇన్​ బ్లూ యావత్​ ప్రపంచాన్ని ఆశ్చర్య పరిచింది. కపిల్​ దేవ్​ నేతృత్వంలోని టీమ్ఇండియా.. మొదటి రెండు వరల్డ్​ కప్​లు గెలిచి హ్యాట్రిక్​ కొట్టాలనుకున్న వెస్టిండీస్​ను ఫైనల్​లో మట్టికరిపించింది. అంతుకుముందు లీగ్​ స్టేజ్​లోనూ కరీబియన్లపై విజయం సాధించింది. ఆ మ్యాచ్​లో 54.4 ఓవర్లలో టీమ్ఇండియా 183 పరుగులు చేసి ఆలౌట్ అయింది. అయితే ఆ తర్వాత తమ పటిష్ఠమైన బౌలింగ్​తో వెస్టిండీస్s​ 140 పరుగులకే కట్టడిచేసింది. అలా మొదటి వరల్డ్​ కప్​ను ముద్దాడింది.

అయితే 20 ఏళ్ల తర్వాత (వరల్డ్​ కప్ ఫైనల్ ఆస్ట్రేలియా, జోహన్నెస్‌బర్గ్‌) టీమ్ఇండియాకు మరోసారి జగజ్జేతగా నిలిచే అవకాశం వచ్చింది. ఆస్ట్రేలియాతో ఫైనల్​లో తలపడింది. మొదట బ్యాటింగ్ చేసిన ఆస్ట్రేలియా నిర్ణీత 50 ఓవర్లలో 2 వికెట్ల నష్టానికి 359 పరుగులు చేసింది. 360 పరుగులు లక్ష్యంతో బరిలోకి దిగిన భారత్.. 234 పరుగులకే ఆలౌట్ అయి 125 పరుగుల తేడాతో ఘోరంగా ఓడిపోయింది.

ఆ తర్వాత 8 ఏళ్లకు 2011లో టీమ్ఇండియా మరోసారి వరల్డ్​ కప్​ టైటిల్ గెలిచే అవకాశం వచ్చింది. భారత్​, శ్రీలంక మధ్య జరిగిన ఫైనల్​లో మొదట బ్యాటింగ్ చేసిన లంక.. నిర్ణీత 50 ఓవర్లలో 6 వికెట్ల నష్టానికి 274 పరుగులు చేసింది. 275 పరుగులు లక్ష్యంతో బరిలోకి దిగిన టీమ్ఇండియా.. ఆరంభంలోనే 31 పరుగులకే వీరేంద్ర సెహ్వాగ్​, సచిన్ తెందూల్కర్ వికెట్​ కోల్పోయింది. ఆ తర్వాత వచ్చిన గంభీర్​ (97), ధోనీ (91) అద్భతంగా రాణించారు. దీంతో 28 ఏళ్ల తర్వాత భారత్ రెండోసారి వరల్డ్​ కప్​ను ముద్దాడింది. ఇక ఈసారి ఆస్ట్రేలియాను చిత్తు చేసి మూడో సారి జగజ్జేతగా నిలుస్తుందో లేదో అన్నది కాలమే నిర్ణయిస్తుంది.

ఐదు సార్లు ప్రపంచ కప్ విజేత ఆసీస్​.. ఐదు సార్లు వరల్డ్​ కప్​ గెలిచి.. ఆరో టైటిల్​పై కన్నేసింది ఆస్ట్రేలియా. ఈ నేపథ్యంలో ఈ ఎడిషన్​లో ఓటమి ఎరుగని టీమ్​ఇండియాతో ఆదివారం తలపడుతోంది. ఈ క్రమంలో ఇప్పటివరకు జరిగిన వరల్డ్​ కప్​ల్లో ఆస్ట్రేలియా ఎలాంటి ప్రదర్శన కనబర్చింతో తెలుసుకుందాం.

1987లో ఆస్ట్రేలియా మొట్టమొదటి ప్రపంచ కప్ టైటిల్‌ను గెలుచుకుంది. తర్వాత 1999, 2003, 2007 వరుసగా వరల్డ్​ కప్​లను ముద్దాడి హ్యాట్రిక్ సాధించింది. ఆ తర్వాత జరిగిన మెగా టోర్నీల్లో నెమ్మదించిన ఆసీస్​.. 2015లో స్వదేశంలో జరిగిన వరల్డ్​ కప్​లో మొట్టమొదటి సారిగా గెలిచి ఐదో టైటిల్​ను ఖాతాలో వేసుకుంది. క్రికెట్​​ చరిత్రలో అత్యధిక సార్లు వరల్డ్​ కప్​ గెలిచి జట్టుగా నిలిచింది.

1975లో జరిగిన వరల్డ్​ కప్​ తొలి ఎడిషన్​లోనే ఆసీస్​ ఫైనల్​కు దూసుకెళ్లింది. చివరకు వెస్టిండీస్​ చేతిలో ఓటమి పాలైంది. ఆ తర్వాత 1987లో ఇంగ్లాండ్​తో జరిగిన ఫైనల్​లో గెలిచిన ఆసీస్​.. తొలి వరల్డ్​ కప్​ను సాధించింది. ఆ తర్వాత 1996లో జరిగిన వరల్డ్​ కప్​లో ఫైనల్​లో శ్రీలంక చేతిలో ఓడిపోయింది.

ఇక 1999లో లండన్ వేదికగా జరిగిన ఫైనల్​లో పాకిస్థాన్​ను చిత్తు చేసి రెండోసారి వరల్డ్ కప్​ టైటిల్​ను ముద్దాడింది. ఇక 2003లో ఫైనల్​కు చేరిన టీమ్ఇండియాపై గెలిచి ముచ్చటగా మూడోసారి వరల్డ్​ కప్​ను ముద్దాడింది. ఆ తర్వాత 2007లో శ్రీలంకపై గెలిచి నాలుగోసారి టైటిల్​ సాధించింది. 2011 వరల్డ్​ కప్​లో క్వార్టర్​ ఫైనల్​ టీమ్ఇండియా చేతిలో ఓడిపోయి టోర్నీ నుంచి నిష్క్ర మించింది. చివరకు 2015లోనూ న్యూజిలాండ్​ను చిత్తుచేసి ఐదో సారి వరల్డ్​ కప్​ సాధించి.. తిరుగులేని శక్తిగా ఎదిగింది.

• 📸📸 Finale ready! ⏳
  
  We're less than 24 hours away from the #CWC23 summit clash 🏟️#TeamIndia | #MenInBlue | #Final | #INDvAUS pic.twitter.com/vpd87iSZfG

  — BCCI (@BCCI) November 18, 2023 " class="align-text-top noRightClick twitterSection" data="

  📸📸 Finale ready! ⏳
  
  We're less than 24 hours away from the #CWC23 summit clash 🏟️#TeamIndia | #MenInBlue | #Final | #INDvAUS pic.twitter.com/vpd87iSZfG

  — BCCI (@BCCI) November 18, 2023

  ">

  📸📸 Finale ready! ⏳
  
  We're less than 24 hours away from the #CWC23 summit clash 🏟️#TeamIndia | #MenInBlue | #Final | #INDvAUS pic.twitter.com/vpd87iSZfG

  — BCCI (@BCCI) November 18, 2023