ఆతిథ్య జట్టు శ్రీలంకలో కరోనా కలకలం రేగడం వల్ల భారత్తో జరగాల్సిన పరిమిత ఓవర్ల సిరీస్ను ఇటీవల రీషెడ్యూల్ చేశారు. మ్యాచ్ నిర్వహణ తేదీల్లో మార్పులు చేశారు. అయితే ఇప్పుడు మ్యాచ్ ప్రారంభమయ్యే సమయంలోనూ స్వల్ప మార్పులు చేసినట్లు నిర్వాహకులు ప్రకటించారు.
వన్డేలు సాధారణంగా మధ్యాహ్నం 2.30గంటలకు ప్రారంభించాల్సి ఉండగా.. ఈ సమయాన్ని కాస్త వెనక్కి జరుపుతూ 3 గంటలకు నిర్వహించనున్నట్లు తెలిపారు. టీ20ల ప్రారంభ సమయాన్ని రాత్రి 7 నుంచి 8 గంటలకు మార్చారు.
ఇటీవల ఆతిథ్య జట్టు బ్యాటింగ్ కోచ్, డేటా అనలిస్ట్లకు కరోనా సోకింది. దీంతో సిరీస్ జరుగుతుందో లేదో అన్న అనుమానం కలిగింది. కానీ సిరీస్ను కచ్చితంగా నిర్వహిస్తామని తెలుపుతూ మ్యాచ్లను రీషెడ్యూల్ చేశారు. జులై 13న జరగాల్సిన తొలి మ్యాచ్ను 18వ తేదీకి మార్చుతూ నిర్ణయం తీసుకున్నారు. మూడు వన్డేలు వరుసగా జులై 18, 20, 23.. మూడు టీ20లు 25, 27, 29తేదీల్లో నిర్వహించనున్నట్లు ప్రకటించారు.
ఇదీ చూడండి: హమ్మయ్య.. లంక క్రికెటర్లందరికీ నెగెటివ్
