సౌథాంప్టన్ వేదికగా జూన్ 18 నుంచి జరిగే ప్రతిష్ఠాత్మక ప్రపంచ ఛాంపియన్షిప్ ఫైనల్పై స్పందించాడు మాజీ సెలెక్టర్ శరణ్దీప్ సింగ్. భారత జట్టు కూర్పు ఎలా ఉండాలనే విషయంపై పలు సూచనలు చేశాడు. నాలుగో సీమర్ను జట్టులోకి తీసుకోవాల్సి వస్తే తాను మహమ్మద్ సిరాజ్ను కాకుండా శార్దుల్ ఠాకుర్కు మద్దతిస్తానని తెలిపాడు. అలాంటప్పుడు రవీంద్ర జడేజా డగౌట్కే పరిమితం కాక తప్పదని పేర్కొన్నాడు. కివీస్ జట్టులో పలువురు లెఫ్ట్ హ్యాండర్లు ఉన్న కారణంగా అశ్విన్ టీమ్లో కొనసాగుతాడని అభిప్రాయపడ్డాడు.
"ఇంగ్లాండ్ పరిస్థితుల దృష్ట్యా సిరాజ్తో పోల్చితే శార్దుల్ జట్టులో ఉండటం మేలు. అతడు బంతి నుంచి స్వింగ్ రాబట్టగలడు. లోయర్ ఆర్డర్ బ్యాట్స్మన్గానూ పనికొస్తాడు. నేనైతే ఠాకుర్కే మద్దతిస్తాను. ఇక ఇషాంత్ శర్మ, బుమ్రా, షమీ.. ఎలాగూ జట్టులో ఉంటారు. నాలుగో పేసర్ను కనుక జట్టులో తీసుకోవాలంటే మాత్రం జడేజా డగౌట్కే పరిమితమవుతాడు."
-శరణ్దీప్ సింగ్, టీమ్ఇండియా మాజీ సెలెక్టర్.
"యువ ఓపెనర్ శుభ్మన్ గిల్ కూడా ఈ డబ్ల్యూటీసీ ఫైనల్లో కీలకం కానున్నాడు. రోహిత్తో కలిసి శుభారంభాలు అందిస్తాడని ఆశిస్తున్నాను. స్వదేశంలో ఇంగ్లాండ్తో జరిగిన సిరీస్లో అంతగా రాణించని గిల్.. కివీస్తో ఫైనల్లో ప్రముఖ పాత్ర పోషిస్తాడని భావిస్తున్నా" అని శరణ్దీప్ పేర్కొన్నాడు.
ఇక శ్రీలంక పర్యటనకు ఎంపిక చేసిన భారత జట్టుపై అభిప్రాయాన్ని వెల్లడించాడు శరణ్దీప్. హర్దిక్ స్థానంలో శివం దూబేను ఎంపిక చేయకపోవడం ఆశ్చర్యాన్ని కలిగించిందని తెలిపాడు.
ఇదీ చదవండి: Dravid: కోచ్గా ప్రతీ క్రికెటర్కు ఆడే అవకాశం ఇస్తా!
