టాప్10లోకి విరాట్- ఎమర్జింగ్ నామినేషన్స్​లో యశస్వీ- ఐసీసీ లేటెస్ట్ అప్డేట్స్

ICC Test Ranking: ఐసీసీ బుధవారం తాజా టెస్టు ర్యాంకింగ్స్​తో పాటు ఎమర్జింగ్ ప్లేయర్ ఆఫ్ ది ఇయర్ 2023 నామినేషన్స్ రిలీజ్ చేసింది. ర్యాంకింగ్స్​లో విరాట్ టాప్​ 10లోకి దూసుకెళ్లగా, ఎమర్జింగ్ నామినేషన్స్​లో యంగ్ బ్యాటర్ యశస్వీ జైశ్వాల్ చోటు దక్కించుకున్నాడు.

ICC Test Ranking: టీమ్ఇండియా బ్యాటర్ విరాట్ కోహ్లీ, ఐసీసీ బుధవారం రిలీజ్ చేసిన టెస్టు ర్యాంకింగ్స్​లో నాలుగు స్థానాలు ఎగబాకి టాప్ 10లోకి దూసుకొచ్చాడు. ప్రస్తుతం విరాట్ 761 రేటింగ్స్​లో తొమ్మిదో స్థానంలో కొనసాగుతున్నాడు. టాప్​ 10లో విరాట్ ఒక్కడే ఉండడం గమనార్హం. ఇక కెప్టెన్ రోహిత్ శర్మ 4 స్థానాలు దిగజారి 14వ ప్లేస్​కు పడిపోయాడు. ఇక స్టార్ బ్యాటర్ కేఎల్ రాహుల్ (508 రేటింగ్స్​) ఏకంగా 11 స్థానాలు మెరుగుపర్చుకొని 51వ ప్లేస్​కు చేరుకున్నాడు. కాగా, న్యూజిలాండ్ కెప్టెన్ కేన్ విలియమ్సన్ (864 రేటింగ్స్) టాప్​లో ఉండగా, ఇంగ్లాండ్ స్టార్ బ్యాటర్ జో రూట్ (859 రేటింగ్స్)తో రెండో స్థానంలో కొనసాగుతున్నాడు.

బౌలింగ్ విభాగంలో టీమ్ఇండియా స్పిన్నర్ రవిచంద్రన్ అశ్విన్ 872 రేటింగ్స్​తో అగ్రస్థానంలో కొనసాగుతున్నాడు. 854 రేటింగ్స్​తో సౌతాఫ్రికా పేసర్ కగిసో రబాడా రెండో స్థానంలో ఉన్నాడు. ఇక టీమ్ఇండియా బౌలర్లు రవీంద్ర జడేజా (774 రేటింగ్స్), జస్ప్రీత్ బుమ్రా (767 రేటింగ్స్)తో నాలుగు, ఐదు ప్లేస్​లు దక్కించుకున్నారు.

ICC Men’s Emerging Cricketer of the Year 2023: టీమ్ఇండియా యంగ్ బ్యాటర్ యశస్వీ జైశ్వాల్, ఐసీసీ 2023 ఎమర్జింగ్ ప్లేయర్ ఆఫ్ ది ఇయర్​ నామినేషన్స్​లో చోటు దక్కించుకున్నాడు. ఐసీసీ బుధవారం రివీల్ చేసిన ఈ లిస్ట్​లో జైశ్వాల్​తో పాటు న్యూజిలాండ్ బ్యాటర్ రచిన్ రవీంద్ర, సౌతాఫ్రికా బౌలర్ కోట్జీ గెరాల్డ్, శ్రీలంక స్పిన్నర్ దిల్షాన్ మధుషంక ఉన్నారు.

• Presenting the nominees for the annual ICC Awards 2023 🤩
  
  Starting with the first category, the ICC Men’s Emerging Cricketer of the Year 👇#ICCAwards

  — ICC (@ICC) January 3, 2024 " class="align-text-top noRightClick twitterSection" data="

  Presenting the nominees for the annual ICC Awards 2023 🤩
  
  Starting with the first category, the ICC Men’s Emerging Cricketer of the Year 👇#ICCAwards

  — ICC (@ICC) January 3, 2024

  ">

  Presenting the nominees for the annual ICC Awards 2023 🤩
  
  Starting with the first category, the ICC Men’s Emerging Cricketer of the Year 👇#ICCAwards

  — ICC (@ICC) January 3, 2024

Yashaswi Jaiswal International Career: ఈ ఏడాది అంతర్జాతీయ టెస్టు, టీ20 ఫార్మాట్​లో అరంగేట్ర చేసిన జైశ్వాల్ అదరగొట్టాడు. వెస్టిండీస్​పై ఆడిన తొలి టెస్టు ఫస్ట్​ ఇన్నింగ్స్​లోనే 171 పరుగులు చేసి ఔరా అనిపించాడు. మొత్తం 6 టెస్టు ఇన్నింగ్స్​లో ఓ సెంచరీ, హాఫ్ సెంచరీ సహా 288 పరుగులు చేశాడు. ఆ తర్వాత టీ20ల్లో ఎంట్రీ ఇచ్చిన జైశ్వాల్ ఇప్పటివరకు 15 మ్యాచ్​లు ఆడాడు. 33.08 సగటుతో 430 పరుగులు నమోదు చేశాడు. కాగా, 15 మ్యాచ్​ల్లోనే జైశ్వాల్ సెంచరీ మార్క్ అందుకున్నాడు.