టీ20 క్రికెట్ ర్యాంకింగ్స్ను బుధవారం అంతర్జాతీయ క్రికెట్ కమిటీ(ఐసీసీ) విడుదల చేసింది. బ్యాట్స్మన్ జాబితాలో టీమ్ఇండియా కెప్టెన్ విరాట్ కోహ్లీ ఐదో స్థానంలో కొనసాగుతుండగా.. మరో భారత బ్యాట్స్మన్ కేఎల్ రాహుల్ ఏడో స్థానంలో ఉన్నాడు.
బ్యాటింగ్ ర్యాంకింగ్స్లోని అగ్రస్థానంలో ఇంగ్లాండ్కు చెందిన డేవిడ్ మలన్ (892 పాయింట్లు) నిలిచాడు. ఇటీవలే విడుదల చేసిన వన్డే ర్యాంకింగ్స్లో భారత కెప్టెన్ కోహ్లీని అధిగమించిన పాక్ కెప్టెన్ బాబర్ అజామ్.. టీ20 ర్యాంకింగ్స్లో మెరుగై, ప్రస్తుతం రెండో స్థానానికి చేరుకున్నాడు. ఆస్ట్రేలియా టీ20 కెప్టెన్ ఆరోన్ ఫించ్ను వెనక్కినెట్టాడు బాబర్.
మరోవైపు పాకిస్థాన్ బ్యాట్స్మెన్ మహ్మద్ రిజ్వాన్ (15వ ర్యాంకు), ఫకార్ జమాన్ (33వ ర్యాంకు) మెరుగవ్వగా.. బౌలర్ల ర్యాంకింగ్స్లో పాక్ బౌలర్లు షాహీన్ అఫ్రిదీ (11వ ర్యాంకు), ఫహీమ్ అష్రాఫ్ (16వ ర్యాంకు), మహ్మద్ నవాజ్ (24వ ర్యాంకు), హారిస్ రౌఫ్ (38వ ర్యాంకు) మెరుగయ్యారు.
ఇవీ చదవండి: కెప్టెన్ కోహ్లీ పేరుతో సర్క్యులర్
