Asia Cup 2022 : దిగ్గజ క్రికెటర్, టీమ్ ఇండియా మాజీ సారథి కపిల్ దేవ్.. ఆసియా కప్లో భారత్-పాకిస్థాన్ మ్యాచ్పై కీలక వ్యాఖ్యలు చేశారు. మ్యాచ్ జరిగిన స్ఫూర్తిని ప్రశంసించారు. ఇందులో క్రికెట్ గెలిచిందని అన్నారు.
"భారత్-పాక్ కాదు, క్రికెట్ మాత్రమే గెలిచిందని నేను చెప్పగలను. మ్యాచ్ అద్భుతంగా జరిగింది. ఇరు జట్లు చాలా బాగా ఆడాయి. అయితే, గెలిచిన జట్టు కొంచెం ఎంజాయ్ చేస్తుంది. ఓడిపోయిన జట్టు మరోసారి ప్రయత్నిస్తాం అని చెబుతుంది. ఆట అంటే అదే.'' అని కపిల్ దేవ్ అన్నారు.
అయితే, ఆగస్టు 28న దుబాయ్ అంతర్జాతీయ క్రికెట్ స్టేడియంలో ఆసియా కప్లో భారత్-పాక్ మ్యాచ్ జరిగింది. రవీంద్ర జడేజా, హార్దిక్ పాండ్య అద్భుత భాగస్వామ్యంతో టీమ్ఇండియా మ్యాచ్ గెలిచింది. 5 వికెట్ల తేడాతో పాక్ను ఓడించింది.
మ్యాచ్ మొత్తం ఉత్కంఠగా సాగింది. ఆఖరి ఓవర్లో హార్దిక్ పాండ్య నరాలు తెగే ఉత్కంఠ మధ్య మ్యాచ్ను సిక్స్తో ముగించాడు. పాండ్య బౌలింగ్లోనూ రాణించాడు. 3 కీలక వికెట్లు పడగొట్టాడు. దీంతో భారత్.. పాకిస్థాన్ను 147కే ఆలౌట్ చేసింది. ఆల్రౌండ్ ప్రదర్శన చేసిన హార్దిక్కు 'మ్యాన్ ఆఫ్ ది మ్యాచ్' దక్కింది. ఆగస్టు 31న భారత్, హాంకాంగ్తో తలపడనుంది.
ఇవీ చదవండి: హార్దిక్, జడేజా ఉంటే అలా చేయడం అంత కష్టమా
