2024 IPLకు హార్దిక్ డౌటే!- ఆందోళనలో ముంబయి ఫ్రాంచైజీ!

Hardik Pandya Injury Update : ముంబయి ఇండియన్స్ ఫ్రాంచైజీ యాజమాన్యానికి ఆందోళన కలిగించే న్యూస్ ఒకటి బయటకు వచ్చింది. 2024 ఐపీఎల్​లో స్టార్ బ్యాటర్ హార్దిక్ పాండ్య ఆడడం కష్టమేనంటూ పలు కథనాలు వస్తున్నాయి.

Hardik Pandya Injury Update : ముంబయి ఇండియన్స్ కెప్టెన్​ స్థానంలో రోహిత్ శర్మను తప్పించి హార్దిక్​ పాండ్యకు సారథ్య బాధ్యతలు అప్పగించిన ఫ్రాంచైజీ యాజమాన్యానికి షాక్ తగిలినట్లైంది. ఇటీవల వన్డే వరల్డ్​కప్​లో గాయపడ్డ హార్దిక్, వచ్చే ఏడాది ఐపీఎల్​ నాటికి కూడా పూర్తిగా కోలుకోవడం కష్టమేనని తెలుస్తోంది. ఈ నేపథ్యంలో అతడు 2024 ఐపీఎల్​లోనూ ఆడే ఛాన్స్ లేదంటూ పలు కథనాలు వెలువడుతున్నాయి. అయితే మెగాటోర్నీలో గాయపడ్డ హార్దిక్ పాండ్య, జనవరిలో అఫ్గానిస్థాన్​తో జరిగే టీ20 సిరీస్ నాటికి అందుహాటులోకి వస్తాడని అంతా ఆశిచారు. కానీ, గాయం తీవ్రత ఎక్కువగా ఉండడం వల్ల అతడు మరికొన్ని రోజులు ఆటకు దూరం అయ్యే అవకాశం ఉన్నట్లు తెలుస్తోంది.

ఒకవేళ హార్దిక్ గైర్హాజరైతే, ముంబయికి ఎవరు సారథ్యం వహిస్తారన్నది సోషల్ మీడియాలో హాట్ టాపిక్​గా మారింది. అయితే ఫ్రాంచైజీ రోహిత్​కే పగ్గాలు ఇస్తుందనుకుందాం. కానీ, అతడు కెప్టెన్సీని అంగీకరిస్తాడన్నది డౌటే. రోహిత్ తర్వాత జట్టులో సీనియర్లుగా ఉన్న జస్ర్పీత్ బుమ్రా, సూర్యకుమార్ యాదవ్​లో ఎవరైనా కెప్టెన్​ అయ్యే ఛాన్స్ ఉంది. కానీ, ఈ విషయంపై ముంబయి ఫ్రాంచైజీ నుంచి ఎలాంటి ప్రకటన రాలేదు.

• Hardik pandya is almost Ruled out of IPL 2024 !!
  
  I repeat Never ever Mess with Rohit Sharma.🔥
  
  Sharma & Karma always strikes! pic.twitter.com/DWnJNT1SBe

  — ᴘʀᴀᴛʜᴍᴇsʜ⁴⁵ (@45Fan_Prathmesh) December 23, 2023 " class="align-text-top noRightClick twitterSection" data="

  Hardik pandya is almost Ruled out of IPL 2024 !!
  
  I repeat Never ever Mess with Rohit Sharma.🔥
  
  Sharma & Karma always strikes! pic.twitter.com/DWnJNT1SBe

  — ᴘʀᴀᴛʜᴍᴇsʜ⁴⁵ (@45Fan_Prathmesh) December 23, 2023

  ">

  Hardik pandya is almost Ruled out of IPL 2024 !!
  
  I repeat Never ever Mess with Rohit Sharma.🔥
  
  Sharma & Karma always strikes! pic.twitter.com/DWnJNT1SBe

  — ᴘʀᴀᴛʜᴍᴇsʜ⁴⁵ (@45Fan_Prathmesh) December 23, 2023

Rohit Effect On MI Social Media Account : ముంబయి కెప్టెన్​గా హార్దిక్​ను ఎంపిక చేయడం రోహిత్ ఫ్యాన్స్ ఏ మాత్రం జీర్ణించుకోలేరు. ఫ్రాంచైజీపై విమర్శలు గుప్పిస్తూ, ముంబయి ఇండియన్స్​ సోషల్ మీడియా హ్యాండిల్స్​ను దాదాపు 8 మిలియన్​ మంది అన్​ఫాలో కొట్టేశారు.

Rohit Sharma Akash Ambani : ఇటీవల ముంబయిలో జరిగిన 2024 ఐపీఎల్​ వేలంలో ముంబయి ఇండియన్స్​ తరఫున జట్టు యజమాని ఆకాశ్ అంబానీ, నీతా అంబానీ, గ్లోబల్‌ హెడ్‌ మహేల జయవర్ధనె పాల్గొన్నారు. ఈ వేలంలో బ్రేక్​ సమయంలో అక్కడున్న హిట్​మ్యాన్ ఫ్యాన్స్​లో ఒకరు 'రోహిత్​కో వాపిస్ లావో' (రోహిత్​ శర్మకు తిరిగి కెప్టెన్సీ కట్టబెట్టండి) అని అరిచారు. దీంతో ముంబయి ఫ్రాంచైజీ ఓనర్ ఆకాశ్ అంబానీ కూల్​గా స్పందించారు. 'చింతా మత్​ కరో, వో బ్యాటింగ్ కరేగా' (చింతించకండి అతడు బ్యాటింగ్ చేస్తాడు) అని రిప్లై ఇచ్చారు.