Hardik Pandya Injury Replacement : హార్దిక్ స్థానంలో ఛాన్స్ ఎవరికో! సెలెక్టర్ల మొగ్గు వారివైపేనా?

Hardik Pandya Injury Replacement : మెగాటోర్నీలో టీమ్ఇండియా స్టార్ ఆల్​రౌండర్ హార్దిక్ పాండ్య గాయపడడం వల్ల టీమ్ఇండియాకు షాక్ తగిలింది. అయితే హార్దిక్ త్వరలోనే జట్టులోకి రీ ఎంట్రీ ఇస్తాడని బీసీసీఐ పేర్కొంది. కానీ, ఒకవేళ హార్దిక్ పూర్తి టోర్నీకి దూరమైతే అతడి స్థానాన్ని ఎవరు భర్తీ చేస్తారన్నది ఆందోళనకరంగా మారింది.

Hardik Pandya Injury Replacement : 2023 ప్రపంచకప్​లో భాగంగా గురువారం పుణె వేదికగా జరిగిన భారత్ - బంగ్లాదేశ్ మ్యాచ్​లో టీమ్ఇండియా ఆల్​రౌండర్ హార్దిక్ పాండ్య గాయపడిన విషయం తెలిసిందే. అయితే ప్రస్తుతం చికిత్స పొందుతున్న హార్దిక్.. అక్టోబర్ 20న టీమ్ఇండియా జట్టుతో కలిసి ధర్మశాల వెళ్లలేదని, అతడు నేరుగా లఖ్​నవూ వేదికగా ఇంగ్లాండ్​తో తలపడే మ్యాచ్​లో అందుబాటులో ఉంటాడని బీసీసీఐ ఓ ప్రకటనలో పేర్కొంది.

అయితే ప్రసుతం ఈ మెగాటోర్నీలో హార్దిక్.. అద్భుతంగా రాణిస్తున్నాడు. ఆస్ట్రేలియాతో మ్యాచ్​లో మినహా ఇప్పటివరకూ అతడికి బ్యాటింగ్ చేసే ఛాన్స్ రాకపోయినా.. బౌలింగ్​లో అదరగొడుతున్నాడు. జట్టులో నాలుగో పేసర్​గా సమర్థంగా రాణిస్తున్నాడు. ఇక హార్దిక్ లాంటి మీడియం ఫాస్ట్ ఆల్​రౌండర్​లు క్రికెట్​లో చాలా అరుదు. అయితే ఒకవేళ హార్దిక్ పూర్తి టోర్నీకే దూరమైతే టీమ్ఇండియా పరిస్థతి ఏంటి? అతడి స్థానాన్ని ఎవరు భర్తీ చేయనున్నారు?

సూర్యకుమార్/ఇషాన్.. పాండ్య గైర్హాజరీలో అతడికి తగ్గట్టు హిట్టింగ్ ఆడగల సత్తా ఉన్న బ్యాటర్లు సూర్యకుమార్ యాదవ్, ఇషాన్ కిషన్. ఇక గతనెల జరిగిన ఆసియా కప్​లో.. పాకిస్థాన్​తో మ్యాచ్​లో ఐదో స్థానంలో బ్యాటింగ్​కు దిగిన ఇషాన్​ 82 పరుగులతో రాణించిన విషయం తెలిసిందే. అయితే వీరిద్దరిలో ఎవరో ఒకరితో పాండ్య స్థానాన్ని భర్తీ చేయాలంటే.. శార్దూల్​ను షమీతో రీప్లేస్ చేయక తప్పదు.

అయినప్పటికీ టీమ్ఇండియాకు మరో సమస్య ఎదురుకావచ్చు. ఇషాన్ లేదా సూర్య ఎవరో ఒకరు జట్టులోకి వస్తే.. టీమ్ఇండియా ఐదుగురు బౌలర్లతోనే బరిలోకి దిగే పరిస్థితి ఉంటుంది. అయితే గతమ్యాచ్​లో హార్దిక్ గాయపడినట్లుగానే.. తర్వాత మ్యాచ్​లో మరో బౌలర్ ఎవరైనా గాయపడి, గ్రౌండ్​ వీడితే టీమ్ఇండియా 50 ఓవర్లు పూర్తి చేయడం కష్టంగా మారుతుంది.

అశ్విన్​కు ఛాన్స్! బౌలింగ్ సమస్య నుంచి బయటపడేందుకు టీమ్ఇండియా స్పిన్నర్ అశ్విన్​ను ఎంపికచేసుకోవచ్చు. అశ్విన్ నాణ్యమైన బౌలరే అయినప్పటికీ.. బ్యాటింగ్​లో పాండ్యను రిప్లేస్ చేయలేడు. జడేజా, అశ్విన్, శార్దూల్ జట్టులో ఉన్నా.. బ్యాటింగ్​లో నెంబర్ 7 పొజిషన్ బలహీనంగానే ఉంటుంది.

సుందర్/తిలక్​తో భర్తీ?.. హార్దిక్​ స్థానాన్ని సమర్థవంతమైన ఆల్​రౌండర్​తో భర్తీ చేయాలనుకుంటే.. బీసీసీఐ సుందర్/తిలక్ పేర్లను పరిశీలించే అవకాశం ఉంది. వాషింగ్టన్ సుందర్ నాణ్యమైన స్పిన్ బౌలింగ్​తో పాటు బ్యాటింగ్ చేయగలడు. ఇక ఎటాకింగ్ బ్యాటింగ్​ చేయగల సత్తా తిలక్ వర్మ సొంతం. తిలక్​ కూడా కచ్చితమైన స్పిన్​తో హాఫ్ బ్రేక్ బంతుల్ని సంధించలగడు. అయితే, హార్దిక్ పూర్తి టోర్నీకి దూరమైతే టీమ్ఇండియా ఈ పరిస్థితులు ఎదుర్కోవాల్సి ఉంటుంది. కానీ, హార్దిక్‌ గాయం పెద్దదేమీ కాదన్న కెప్టెన్ రోహిత్‌.. మాటల ప్రకారం అతడు త్వరగా కోలుకుని జట్టులోకి రావాలన్నది అభిమానుల ఆకాంక్ష.

• 🚨 NEWS 🚨
  
  Medical Update: Hardik Pandya 🔽 #CWC23 | #TeamIndiahttps://t.co/yiCbi3ng8u

  — BCCI (@BCCI) October 20, 2023 " class="align-text-top noRightClick twitterSection" data="

  🚨 NEWS 🚨
  
  Medical Update: Hardik Pandya 🔽 #CWC23 | #TeamIndiahttps://t.co/yiCbi3ng8u

  — BCCI (@BCCI) October 20, 2023

  ">

  🚨 NEWS 🚨
  
  Medical Update: Hardik Pandya 🔽 #CWC23 | #TeamIndiahttps://t.co/yiCbi3ng8u

  — BCCI (@BCCI) October 20, 2023