టీమ్ఇండియా సీనియర్ స్పిన్నర్ హర్భజన్ సింగ్(Harbhajan singh) మరోసారి తండ్రి అయ్యాడు. అతడి భార్య గీత బాస్రా పండంటి మగ బిడ్డకు జన్మనిచ్చింది. ఈ విషయాన్ని భజ్జీ తెలియజేస్తూ భావోద్వేగ ట్వీట్ చేశాడు.
"మేం పట్టుకునేందుకు ఇంకో చిన్నారి చేయి మా ఇంట్లోకి వచ్చింది. అతని ప్రేమ అమితమైనది. బంగారం అంతటి విలువైనది. ఇదో అద్భుతమైన బహుమతి. ఇదెంతో మధురమైనది, ప్రత్యేకమైనది కూడా. మా మనసులు సంతోషంతో నిండిపోయాయి. మా జీవితాలు సంపూర్ణమయ్యాయి. మాకు మగబిడ్డను ప్రసాదించినందుకు ఆ దేవుడికి కృతజ్ఞతలు. ఇప్పుడు నా భార్య, చిన్నారి క్షేమంగా ఉన్నారు. ఈ ఆనందంతో మేం ఉబ్బితబ్బిబ్బు అవుతున్నాం. ఈ సందర్భంగా మా మంచి కోసం ఆలోచించే ప్రతిఒక్కరికీ ధన్యవాదాలు" అంటూ హర్భజన్ ట్విట్టర్లో రాసుకొచ్చాడు.
2015లో గీత బాస్రా, హర్భజన్ మూడు ముళ్ల బంధంతో ఒక్కటయ్యారు. తొలి సంతానం ఆడపిల్ల. ప్రస్తుతం టీమ్ఇండియాకు ప్రాతినిధ్యం వహిస్తున్న భజ్జీ.. ఈ సీజన్ ఐపీఎల్లో కోల్కతా నైట్రైడర్స్ తరఫున ఆడుతున్నాడు. త్వరలోనే తమిళ సినిమా 'ఫ్రెండ్షిప్'తో ప్రేక్షకుల ముందుకు రానున్నాడు.
ఇదీ చూడండి: Harbhajan Singh: ఆ ఘనత సాధించిన తొలి ఆఫ్ స్పిన్నర్
