Harbhajan Singh: ఆ ఘనత సాధించిన తొలి ఆఫ్ స్పిన్నర్

తన స్పిన్ మాయాజాలంతో టీమ్ఇండియాకు ఎన్నో విజయాలు అందించాడు వెటరన్ స్పిన్నర్ హర్భజన్ సింగ్. సుదీర్ఘ కాలం భారత్​ స్పిన్ విభాగానికి సేవలందించిన భజ్జీ నేడు 41వ పడిలోకి అడుగుపెడుతున్నాడు. ఈ నేపథ్యంలో ప్రత్యేక కథనం మీకోసం.

టీమ్ఇండియా వెటరన్ ఆఫ్ స్పిన్నర్​ హర్భజన్​ సింగ్​ నేడు 41వ పడిలోకి అడుగుపెడుతున్నాడు. ఈ సందర్భంగా అతనికి ట్విట్టర్ వేదికగా శుభాకాంక్షలు తెలిపింది బీసీసీఐ. సుదీర్ఘ కాలం పాటు భారత స్పిన్ విభాగానికి సేవలందించిన భజ్జీ.. ప్రస్తుతం ఐపీఎల్​లో కోల్​కతా నైట్ రైడర్స్​ తరఫున కొనసాగుతున్నాడు. 1998లో ఆస్ట్రేలియాపై టెస్టు​ అరంగేట్రం చేసిన ఈ పంజాబ్​ బౌలర్​.. అదే ఏడాది కివీస్​పై వన్డేల్లోకి అడుగుపెట్టాడు. అతని బర్త్​డే సందర్భంగా అతడు సాధించిన రికార్డులపై ఓ లుక్కేయండి.

భజ్జీ తన కెరీర్​లో 103 టెస్టు​లతో పాటు 236 వన్డేలు, 28 టీ20లకు ప్రాతినిధ్యం వహించాడు. సుదీర్ఘ ఫార్మాట్​లో 417 వికెట్లు తీసిన ఈ ఆఫ్ స్పిన్నర్​.. 50 ఓవర్ల ఫార్మాట్​లో 269 వికెట్లు తన ఖాతాలో వేసుకున్నాడు. టీమ్ఇండియా తరఫున అనిల్​ కుంబ్లే తర్వాత అత్యంత విజయవంతమైన స్పిన్నర్ భజ్జీనే కావడం విశేషం. అలాగే 2007 టీ20 ప్రపంచకప్​తో పాటు 2011 వన్డే వరల్డ్​కప్​ను గెలిచిన భారత జట్టులో హర్భజన్ సభ్యుడు. నాలుగు సార్లు ఐపీఎల్​ గెలిచిన ముంబయి ఇండియన్స్​ జట్టుకూ ప్రాతినిధ్యం వహించాడు.

• 2007 World T20 & 2011 World Cup-winner 🏆 🏆
  1⃣st Indian to scalp a Test hat-trick 🔝
  367 intl. games, 711 intl. wickets & 3,569 intl. runs 👌
  
  Here's wishing @harbhajan_singh - one of the finest to represent #TeamIndia - a very happy birthday. 🎂 👏 pic.twitter.com/BLgoMkWB24

  — BCCI (@BCCI) July 3, 2021 " class="align-text-top noRightClick twitterSection" data="

  2007 World T20 & 2011 World Cup-winner 🏆 🏆
  1⃣st Indian to scalp a Test hat-trick 🔝
  367 intl. games, 711 intl. wickets & 3,569 intl. runs 👌
  
  Here's wishing @harbhajan_singh - one of the finest to represent #TeamIndia - a very happy birthday. 🎂 👏 pic.twitter.com/BLgoMkWB24

  — BCCI (@BCCI) July 3, 2021

  ">

  2007 World T20 & 2011 World Cup-winner 🏆 🏆
  1⃣st Indian to scalp a Test hat-trick 🔝
  367 intl. games, 711 intl. wickets & 3,569 intl. runs 👌
  
  Here's wishing @harbhajan_singh - one of the finest to represent #TeamIndia - a very happy birthday. 🎂 👏 pic.twitter.com/BLgoMkWB24

  — BCCI (@BCCI) July 3, 2021

తొలి హ్యాట్రిక్ భజ్జీదే..

ఈడెన్ గార్డెన్స్ వేదికగా 2001లో ఆసీస్​తో జరిగిన టెస్టు​ మ్యాచ్​ను క్రికెట్ అభిమానులు అంత త్వరగా మర్చిపోలేరు. ఆ మ్యాచ్​లో భారీ డబుల్​ సెంచరీతో చిరకాలం గుర్తుండిపోయే ఇన్నింగ్స్​ ఆడిన లక్ష్మణ్​ తర్వాత మరో హీరో భజ్జీనే. ఈ టెస్టులో హ్యాట్రిక్​తో మెరిసిన ఈ వెటరన్ స్పిన్నర్.. సుదీర్ఘ ఫార్మాట్​లో ఈ ఘనత సాధించిన తొలి భారత బౌలర్​గా నిలిచాడు. మొత్తంగా ఈ సిరీస్​లో 32 వికెట్లు పడగొట్టాడు. మూడు మ్యాచ్​ల సిరీస్​లో అత్యధిక వికెట్లు తీసిన రికార్డు భజ్జీ పేరిటే ఉంది.

భజ్జీ@400..

2011 ముందు వరకు జట్టులో ప్రధాన స్పిన్నర్​గా ఉన్న హర్భజన్​.. టెస్టుల్లో మొత్తంగా 417 వికెట్లు తీశాడు. ఈ ఫీట్ సాధించిన తొలి భారత ఆఫ్ స్పిన్నర్​గా భజ్జీ రికార్డు సృష్టించాడు. రవిచంద్రన్ అశ్విన్​ రెండో స్థానంలో కొనసాగుతున్నాడు.

అత్యధిక మెయిడెన్లు..

టీ20 ఫార్మాట్​ అంటేనే బ్యాట్స్​మెన్​కు పండగ. అలాంటిది ఓ మ్యాచ్​లో ఎక్కువ మెయిడెన్ ఓవర్లు వేసిన బౌలర్​గా భజ్జీ సరికొత్త ఫీట్ నమోదు చేశాడు. 2012 పొట్టి ప్రపంచకప్​లో భాగంగా జట్టులో చోటు దక్కించుకున్న ఇతడు​.. ఇంగ్లాండ్​తో జరిగిన లీగ్​మ్యాచ్​లో రికార్డు సృష్టించాడు. రెండు ఓవర్లు మెయిడెన్​గా వేశాడు. మొత్తంగా 4 ఓవర్లు బౌలింగ్ చేసి కేవలం 12 పరుగులే ఇచ్చి.. 4 వికెట్లు తీశాడు. ఈ మ్యాచ్​లో ఇంగ్లాండ్ 80 పరుగులకే కుప్పకూలింది. తర్వాతి రోజుల్లో భువనేశ్వర్​, బుమ్రా.. భజ్జీ సరసన చేరారు.

ఇదీ చదవండి: మహిళలపై కార్తీక్ అనుచిత వ్యాఖ్యలు.. క్షమాపణకు డిమాండ్