మెల్బోర్న్ వేదికగా జరిగిన భారత్ పాక్ మ్యాచ్లో అద్భుతం ఆవిష్కృతమైందన్న సంగతి తెలిసిందే. ఆ అద్భుతం పేరే విరాట్ కోహ్లీ. ఫామ్లోకి వచ్చిన తర్వాత మరోసారి తన సంచలన ఇన్నింగ్స్తో జట్టుకు మరపురాని విజయాన్ని అందించాడు. తాజాగా ఆస్ట్రేలియా దిగ్గజ ఆటగాడు గ్రెగ్ చాపెల్ విరాట్పై ప్రశంసలు కురిపించాడు. అతడి ఇన్నింగ్స్ను 'దేవుని పాట'గా అభివర్ణించాడు. కోహ్లీ పత్యర్థిని మట్టి కరిపించిన విధంగా గతంలో ఎవరూ చేయలేదని కితాబిచ్చాడు.
"ఇప్పటివరకు నేను చూసిన క్రికెటర్లలో కోహ్లీ మోస్ట్ కంప్లీట్ భారత బ్యాటర్. గొప్ప ఆటగాళ్లకే తన లక్ష్యాలను నిజం చేసుకునే ధైర్యం, తెలివితేటలు ఉంటాయి. విరాట్కు ఆ లక్షణాలు ఉన్నాయి. నిజానికి టైగర్ పటౌడి కూడా ఇలాంటి స్థాయికి దగ్గరగా వచ్చాడు. ఓ పిల్లి పిల్లకు కొత్త ఉన్ని దారపు ఉండ దొరికితే ఎంత సంబరంగా ఆడుకుంటుందో, కోహ్లీ పాకిస్థాన్ బౌలింగ్ను అదేవిధంగా ఆడుకున్నాడు. విరాట్ ఇన్నింగ్స్ దేవుడి పాటలా ఉంది. ఇంతవరకు టీ20 ఇన్నింగ్స్లో ఇలాంటి అద్భుతాన్ని చూడలేదు. పటిష్ఠంగా ఉన్న పాక్ బౌలింగ్ను ఆట ఆడుకున్నాడు. కోహ్లీ ఇన్నింగ్స్ టీ20 క్రికెట్ను నిలిచిపోయేలా చేసింది. ఈ ఇన్నింగ్స్ ఎవరూ చేయలేరు. నేను క్రికెట్ చూస్తున్నప్పటి నుంచి ఇలాంటి ఇన్నింగ్స్ చూడలేదు. ఈ ఇన్నింగ్స్ తర్వాత టీ20 క్రికెట్ను ఎవరూ తక్కువ అంచానా వేయలేరు." చాపెల్ అని అన్నాడు.
ఇదీ చూడండి: దక్షిణాఫ్రికాతో మ్యాచ్.. అదొక్కటి అధిగమిస్తే టీమ్ఇండియాకు తిరుగుండదంతే!
