Gautam Gambhir mentor: భారత జట్టు మాజీ ఓపెనర్, కోల్కతా నైట్ రైడర్స్ మాజీ సారథి గౌతమ్ గంభీర్ ఐపీఎల్లోకి రీఎంట్రీ ఇచ్చాడు. వచ్చే ఐపీఎల్లోని రెండు కొత్త జట్లలో ఒకటైన లఖ్నవూ ఫ్రాంఛైజీకి గంభీర్ మెంటార్గా ఎంపికయ్యాడు.
తొలుత తమ ఫ్రాంఛైజీకి ఆండీ ఫ్లవర్ను హెడ్ కోచ్గా ఎంపిక చేసిన లఖ్నవూ జట్టు.. గంభీర్ను మెంటార్గా నియమిస్తూ కీలక నిర్ణయం తీసుకుంది. ఈ నిర్ణయంపై హర్షం వ్యక్తం చేసిన గంభీర్.. ఆర్పీఎస్జీ గ్రూప్నకు, డాక్టర్ గోయెంకాకు ప్రత్యేకంగా ధన్యవాదాలు తెలిపాడు.
గోయెంకా సారథ్యంలోని ఆర్‌పీ-ఎస్‌జీ గ్రూప్ రూ.7090 కోట్లతో లఖ్నవూ ఫ్రాంఛైజీని కొనుగోలు చేసింది.
రెండు సార్లు కప్పు..
గంభీర్ సారథ్యంలో కోల్కతా నైట్రైడర్స్ జట్టు రెండుసార్లు ఐపీఎల్ కప్ కొట్టింది. 2012, 2014లో కేకేఆర్ విజేతగా నిలిచింది. గంభీర్.. టీమ్ఇండియా తరఫున 58 టెస్టులు, 147 వన్డేలు, 37 టీ20లు ఆడాడు.
అయితే.. గంభీర్ ప్రస్తుతం భాజపా ఎంపీ అయినందును అతడిపై పరస్పర విరుద్ధ ప్రయోజనాల సెగ తగిలేలా కనిపిస్తోంది. మరి దీన్ని అతడు ఎలా ఎదుర్కొంటానేది చూడాలి.
మరోవైపు పంజాబ్ కింగ్స్ జట్టును వీడిన టీమ్ఇండియా ఓపెనర్ కేఎల్ రాహుల్ను కెప్టెన్గా ఎంపిక చేసేందుకు లఖ్నవూ జట్టు సన్నాహాలు చేస్తున్నట్లు తెలుస్తోంది.
ఇదీ చదవండి:
