టీమ్ఇండియా బ్యాట్స్మన్ సూర్యకుమార్ యాదవ్ సామాజిక మాధ్యమాల్లో ఆసక్తికర అంశాలు చెప్పుకొచ్చాడు. తన ఇన్స్టా ఖాతాలో అభిమానులు అడిగే ప్రశ్నలకు సరదాగా స్పందించాడు.
ఈ నేపథ్యంలో మాజీ కెప్టెన్ ధోనీతో పాటు ప్రస్తుత సారథి కోహ్లీ గురించి తన అభిప్రాయాన్ని వెల్లడించాడు. మహి అంటే 'లెజెండ్' అని.. కోహ్లీ తన 'ప్రేరణ' అని తెలిపాడు. ఇక ముంబయి ఇండియన్స్ కెప్టెన్ రోహిత్ శర్మ గురించి అడగగా.. 'హిట్మ్యాన్' అంటూ బదులిచ్చాడు.
తన అత్యుత్తమ ఇన్నింగ్స్ ఏది అంటూ ఓ అభిమాని ప్రశ్నించగా.. ఇటీవల ఇంగ్లాండ్తో మ్యాచ్లో సిక్సర్తో హాఫ్ సెంచరీ చేసిన ఫొటోను పోస్టు చేశాడు సూర్య.
ఇదీ చదవండి: బీడబ్ల్యూఎఫ్ కౌన్సిల్ సభ్యుడిగా బాయ్ అధ్యక్షుడు
