Cricketers Retirement Reversal : ఇంగ్లాండ్ స్టార్ ఆల్రౌండర్ బెన్స్టోక్స్ తన రిటైర్మెంట్ నిర్ణయాన్ని వెనక్కి తీసుకున్నాడు. అయితే స్టోక్స్ టెస్టుల్లో పనిభారం ఎక్కువ కావొద్దన్న ఉద్దేశంతో.. గతేడాది జూన్లో వన్డే క్రికెట్కు రిటైర్మెంట్ ప్రకటించాడు. కాగా తాజాగా రానున్న ప్రపంచ కప్లో అతడిని ఎలాగైనా ఆడించాలని.. జట్టు మేనేజ్మెంట్ భావించింది. ఈ క్రమంలో తన రిటైర్మెంట్ వెనక్కి తీసుకునేలా స్టోక్స్ను ఒప్పించింది. ఇక 2023 ప్రపంచ కప్లో ఇంగ్లాండ్ తరఫున స్టోక్స్ ఆడనున్నాడు. ఇలా స్టోక్స్తో పాటు అంతర్జాతీయ క్రెకెట్కు వీడ్కోలు పలికి.. ఆ నిర్ణయాన్ని వెనక్కి తీసుకున్న స్టార్ ఆటగాళ్లెవరో ఇప్పుడు చూద్దాం..
Brendan Taylor Retirement : జింబాబ్వే మాజీ కెప్టెన్ బ్రెండన్ టేలర్.. 2015 ప్రపంచకప్ తర్వాత 29 ఏళ్ల వయసులోనే అంతర్జాతీయ క్రికెట్కు గుడ్బై చెప్పాడు. ఆ తర్వాత టేలర్ ఇంగ్లాండ్ కౌంటీల్లో నాటింగమ్షైర్తో మూడేళ్ల ఒప్పందం కుదుర్చుకున్నాడు. ఇక ఈ కాంట్రాక్ట్ ముగిసిన తర్వాత టేలర్.. తన రిటైర్మెంట్ను వెనక్కి తీసుకున్నాడు. మళ్లీ ఐదేళ్ల పాటు జాతీయ జట్టుకు ప్రాతినిధ్యం వహించాడు. ఇక 2021 సెప్టెంబర్లో మళ్లీ రిటైర్ అయ్యాడు.
Dwayne Bravo Retirement : వెస్టిండీస్ ఆల్రౌండర్ డ్వేన్ బ్రావో.. 2018లోనే ఇంటర్నేషనల్ క్రికెట్ నుంచి తప్పుకున్నాడు. కానీ ప్రపంచవ్యాప్తంగా డొమెస్టిక్ లీగ్ల్లో కొనసాగాడు. కాగా 2019లో విండీస్ క్రికెట్ బోర్డులో మార్పులు జరిగాక.. మళ్లీ జట్టుకు ప్రాతినిధ్యం వహించాలనుకున్నాడు. తర్వాత యూఏఈలో జరిగిన టీ20 ప్రపంచకప్లో విండీస్ తరఫున రెండు మ్యాచ్ల్లో ఆడాడు. ఆ టోర్నమెంట్ ముగిశాక మళ్లీ రిటైర్మెంట్ తీసుకున్నాడు.
Moeen Ali Retirement : ఇంగ్లిష్ జట్టు ఆల్రౌండర్ మొయిన్ అలీ.. 2021 వేసవి చివర్లో టెస్టు ఫార్మాట్ క్రికెట్కు వీడ్కోలు పలికాడు. తర్వాత కెప్టెన్ స్టోక్స్ టెస్టుల్లో 'బజ్బాల్' వ్యూహాన్ని ప్రవేశపెట్టి విజయాలు అందుకుంటున్న నేపథ్యంలో.. 2023 యాషెస్లో ఆడాలంటూ మొయిన్ అలీని, కెప్టెన్ స్టోక్స్ ఒప్పించాడు. దీనికి అంగీకరించిన మొయిన్.. ఆస్ట్రేలియాతో జరిగిన యాషెస్లో ఇంగ్లాండ్ తరఫున ప్రాతినిధ్యం వహించాడు. ఈ సిరీస్ అనంతరం మొయిన్ అలీ మళ్లీ రిటైరయ్యాడు.
Tamim Iqbal Retirement : బంగ్లాదేశ్ మాజీ కెప్టెన్ తమిమ్ ఇక్బాల్.. రిటైర్మెంట్ కాంట్రవర్సీకి దారితీసింది. ఈ ప్లేయర్ ఇటీవలే క్రికెట్కు గుడ్బై చెప్పాడు. జులైలో అఫ్గానిస్థాన్తో జరిగిన వన్డే సిరీస్కు ముందు తన ఫిట్నెస్ గురించి బహిరంగంగా మాట్లాడాడు. దీంతో అతడిపై తీవ్ర విమర్శలు వచ్చాయి. ఇక ఇదే సిరీస్లో తొలి మ్యాచ్ తర్వాత క్రికెట్కు వీడ్కోలు చెప్పి అందరినీ ఆశ్చర్యపరిచాడు. బంగ్లాదేశ్ ప్రధాని షేక్ హసినా ఈ విషయంలో కలుగజేసుకుని.. ఇక్బాల్ను రిటైర్మెంట్ వెనక్కి తీసుకునేలా చేశారు. అయితే కెప్టెన్సీని వదులుకున్న ఇక్బాల్.. ప్రపంచకప్నకు అందుబాటులో ఉండనున్నట్లు తెలుస్తోంది.
Wahab Riaz Retirement : పాక్ పేసర్ సంచలన నిర్ణయం.. అంతర్జాతీయ క్రికెట్కు గుడ్బై..
Wanindu Hasaranga Retirement : శ్రీలంకకు మరో షాక్.. ఆ ఫార్మాట్కు ఆల్రౌండర్ హసరంగ గుడ్బై
