బుధవారం కివీస్తో జరిగిన ప్రపంచకప్ సెమీఫైనల్‌లో భారత్ ఓటమిపాలైంది. నిలవాల్సిన సమయంలో రిషబ్ పంత్ ఔట్ కావడంపై విమర్శలు వెల్లువెత్తాయి. అతడికి మద్దతుగా నిలిచాడు భారత మాజీ ఆటగాడు యువరాజ్ సింగ్.
"రిషబ్‌పంత్ ఇలా ఔట్ కావడం ఎన్నిసార్లు చూడలేదు ? ఇది బాధకరమైన విషయం" - ట్విట్టర్లో కెవిన్ పీటర్సన్
దీనిపై స్పందించిన భారత మాజీ క్రికెటర్ యువరాజ్ సింగ్ పంత్కు మద్దతుగా నిలిచాడు.
"పంత్ కేవలం 8 వన్డేలే ఆడాడు. ఓడిపోవటం అతని తప్పు కాదు. ఇప్పుడిప్పుడే ఆటను నేర్చుకుని మెరుగుపడుతున్నాడు. పంత్ ఎంపిక దయనీయమైనది కాదు! అయితే ఇక్కడ అభిప్రాయాలు పంచుకోవడం తప్పుకాదు." -యువరాజ్ సింగ్, భారత మాజీ క్రికెటర్
ఈ మ్యాచ్లో 71 పరుగుల వద్ద ఐదో వికెట్గా వెనుదిరిగాడు రిషబ్ పంత్. అనంతరం చివరి వరకు పోరాడినా 18 పరుగుల తేడాతో టీమిండియా ఓడిపోయింది. ఆ తర్వాత జరిగిన ప్రెస్మీట్లో పంత్ను సమర్ధించాడు భారత కెప్టెన్ కోహ్లీ. అతడికి ప్రస్తుతం 21 సంవత్సరాలేనని, తన తప్పుల నుంచి పాఠాలు నేర్చుకుంటాడని అన్నాడు.
