ప్రపంచకప్లో బంగ్లాదేశ్తో మ్యాచ్లో నిర్ణీత 50 ఓవర్లలో 9 వికెట్లు కోల్పోయి 314 పరుగులు చేసింది టీమిండియా. బర్మింగ్హామ్ వేదికగా జరిగిన ఈ పోరులో రోహిత్ శర్మ మరోసారి శతకంతో రెచ్చిపోగా.. రాహుల్ అర్ధ సెంచరీతో ఆకట్టుకున్నాడు. బంగ్లా బౌలర్లలో ముస్తాఫిజుర్ రెహమాన్ ఐదు వికెట్లు.. రుబెల్, సౌమ్య సర్కార్, షకీబ్ చెరో వికెట్ తమ ఖాతాలో వేసుకున్నారు.
టాస్ గెలిచి బ్యాటింగ్ ఎంచుకున్న భారత్ శుభారంభం దక్కింది. రోహిత్ - రాహుల్ జోడి తొలి వికెట్కు 180 పరుగుల భాగస్వామ్యం నెలకొల్పింది. ప్రపంచకప్లో భారత ఓపెనర్లకు ఇదే అత్యుత్తమ భాగస్వామ్యం. రోహిత్ శర్మను ఔట్ చేసి ఈ జోడీని విడదీశాడు సౌమ్యా సర్కార్. తర్వాత కాసేపటికే లోకేశ్ రాహుల్ను పెవిలియన్ చేర్చాడు రుబెల్.
శతకంతో కదం తొక్కిన రోహిత్ ..
ఈ ప్రపంచకప్లో వరుస శతకాలతో దూసుకెళ్తున్న రోహిత్ శర్మ.. ఈ రోజు మరో సెంచరీతో ఆకట్టుకున్నాడు. 90 బంతుల్లో 100 పరుగులు పూర్తి చేశాడు. ఇందులో ఏడు ఫోర్లు, 5 సిక్సర్లు ఉన్నాయి. ప్రస్తుత ప్రపంచకప్లో నాలుగు శతకాలు నమోదు చేశాడు. 2003 గంగూలీ చేసిన మూడు సెంచరీల రికార్డును రోహిత్ అధిగమించాడు.
మిగతా వారిలో 48 పరుగులు చేసిన పంత్ కొద్దిలో అర్ధశతకాన్ని చేజార్చుకున్నాడు. ధోని 35, కోహ్లీ 26 చేశారు. పాండ్య, షమి డకౌట్, దినేశ్ కార్తీక్ 8, భువనేశ్వర్ 2 పరుగులు చేశారు.
బంగ్లా బౌలర్లలో ముస్తాఫిజుర్ 5 వికెట్లు తీసి పరుగులు నియంత్రించడంలో కీలక పాత్ర పోషించాడు. షకీబ్, రుబెల్, సౌమ్య సర్కార్ తలో వికెట్ దక్కించుకున్నారు.
