న్యూజిలాండ్ బ్యాట్స్మన్ మార్టిన్ గప్తిల్ వికెట్ తీసిన వీడియోను ఇన్స్టాగ్రామ్లో తాజాగా షేర్ చేశాడు టీమ్ఇండియా లెగ్ స్పిన్నర్ యుజ్వేంద్ర చాహల్. ఈ వీడియోపై వెస్టిండీస్ బ్యాట్స్మెన్ క్రిస్గేల్.. "బౌలింగ్ చేసేప్పుడు నువ్వు లైన్ను దాటావు. నో బాల్" అని కామెంట్ పెట్టాడు. దీనికి చాహల్.."హా.. హా.. అంకుల్.. నిన్న రాత్రి ప్రభావం అనుకుంటా!" అని ప్రతిస్పందించాడు. వీరిద్దరి సంభాషణ చూసి నెటిజన్లు నవ్వుతూ కామెంట్లు పెడుతున్నారు.
ఈ వీడియోకు మరో స్పిన్నర్ కుల్దీప్ యాదవ్ బాగా బౌల్డ్ చేశావని చాహల్ను ప్రశంసించాడు. చాహల్ దీనికి రిప్లే ఇస్తూ.. "మీ లాగే బౌలింగ్ చేయడానికి ప్రయత్నిస్తున్నా సోదరా..!" అని అన్నాడు.
భారత్-అఫ్ఘానిస్థాన్ ఎలెవన్
లాక్డౌన్ కారణంగా ఇంటికే పరిమితమైన యుజ్వేంద్ర చాహల్.. కుటుంబసభ్యులతో పాటు సోషల్ మీడియాలోనూ సమయాన్ని గడుపుతున్నాడు. ఇటీవల అఫ్ఘానిస్థాన్ స్పిన్నర్ రషీద్ ఖాన్తో లైవ్ సెనష్లో పాల్గొన్నాడు. వీరిద్దరూ కలిసి భారత్-అఫ్ఘానిస్థాన్ ఆటగాళ్లతో ఉత్తమ ఎలెవన్ జట్టును తయారుచేశారు. అందులో కేవలం ముగ్గురు అఫ్ఘాన్ క్రికెటర్లు ఉండగా మిగిలిన వారంతా భారత ఆటగాళ్లే.
ఇదీ చూడండి... కొత్త జెర్సీతో బరిలో దిగుతా: ఈటీవీ భారత్తో శ్రీశాంత్
