'ఆరు బంతుల్లో ఆరు సిక్సులు' అంటే టక్కున గుర్తొచ్చే పేరు యువరాజ్ సింగ్. టీమిండియా తరఫున, 2007 ప్రపంచకప్లో ఇంగ్లాండ్తో మ్యాచ్లో ఈ రికార్డు సృష్టించాడు. ఇటీవలే ఆ ఘనతకు 13 ఏళ్లు అయిన సందర్భంగా తిరిగి వాటిని గుర్తు చేసుకున్నాడు ఈ మాజీ ఆల్రౌండర్. ఆ మ్యాచ్ అయిన తర్వాత బౌలర్ స్టువర్ట్ బ్రాడ్ తండ్రితో ఈ విషయం గురించి మాట్లాడినట్లు చెప్పుకొచ్చాడు.
"క్రిస్ బ్రాడ్(స్టువర్ట్ బ్రాడ్ తండ్రి) మ్యాచ్ అయిన తర్వాత రోజు నా దగ్గరకు వచ్చారు. తన కుమారుడి కెరీర్ దాదాపు ముగిసేలా చేశావు. అతడి కోసం ఓ షర్టుపై సంతకం చేసి ఇవ్వు అని అడిగారు. దాంతో నేను భారత జెర్సీపై సంతకం చేసి, దానితో పాటే ఓ సందేశం రాసి ఇచ్చా. 'నేను ఆరు సిక్సర్లు కొట్టా. బౌలర్గా నువ్వు ఎలా ఫీలవుతావో నాకు తెలుసు. నీ కెరీర్ కోసం ఆల్ ద బెస్ట్'అని రాశాను" -యువరాజ్ సింగ్, భారత మాజీ క్రికెటర్
అయితే ప్రపంచ అత్యుత్తమ బౌలర్లలో బ్రాడ్ ఒకడని చెప్పిన యువీ.. ఆరు బంతుల్లో ఆరు సిక్సర్లు కొట్టిన తర్వాత కూడా అతడి కెరీర్ కొనసాగుతుండటం సాధారణ విషయం కాదని చెప్పాడు.
- " class="align-text-top noRightClick twitterSection" data="">
