భారత అంపైర్ నితిన్ మేనన్(36) అరుదైన ఘనత సాధించాడు. 2020-21 సీజన్కు ప్రతిష్టాత్మకమైన ఐసీసీ అంపైర్ల ఎలైట్ ప్యానెల్లో సభ్యుడిగా చోటు దక్కించుకున్నాడు. ఇంగ్లాండ్ అంపైర్ నిగెల్‌ లాంగ్‌ స్థానంలో ఇతడిని భర్తీ చేశారు.
భారత్ నుంచి ఈ ఐసీసీ అంపైర్ల ఎలైట్ ప్యానెల్లో సభ్యుడిగా చోటు సంపాందించిన వారిలో మూడవ వ్యక్తి నితిన్. గతంలో మాజీ సారథి శ్రీనివాస్ వెంకట్రాఘవన్, సుందరం రవి ఇందులో సభ్యులుగా స్థానం పొందారు.
ఐసీసీ జనరల్ మేనేజర్ జీఆఫ్ అల్లర్ డైస్, మాజీ ఆటగాడు సంజయ్ మంజ్రేకర్, మ్యాచ్ రిఫరీలు రంజన్ మదుగల్లె, డేవిడ్ బూన్.. నితిన్ను ఎంపిక చేశారు.
ఇటువంటి ప్రతిష్టాత్మకమైన ఎలైట్ ప్యానెల్లో తనను ఎంపిక చేయడం ఎంతో గర్వంగా ఉందన్నాడు నితిన్ మేనన్.
ఇది చూడండి : కరోనా సోకి ప్రముఖ మాజీ క్రికెటర్ మృతి
