టీమ్ఇండియా మాజీ సారథి మహేంద్ర సింగ్ ధోనీ రిటైర్మెంట్తో క్రికెట్ ప్రపంచం నివ్వెరపోయింది. టీమ్ఇండియాకు రెండు ప్రపంచకప్లు అందించిన గొప్ప సారథి ఇలా అర్ధాంతరంగా వీడ్కోలు పలకడం సమంజసం కాదంటూ మాజీలు అభిప్రాయపడ్డారు. మహీకి కచ్చితంగా ఫేర్ వెల్ గేమ్ ఏర్పాటు చేయాలని సూచించారు. తాజాగా పాకిస్థాన్ మాజీ వికెట్ కీపర్ కమ్రన్ అక్మక్ కూడా ధోనీ రిటైర్మెంట్పై స్పందించాడు. అలాంటి గొప్ప కెప్టెన్కు సచిన్లాగా ఆఖరి మ్యాచ్ ఏర్పాటు చేయాలని తెలిపాడు.
"జట్టును ధోనీ సుదీర్ఘం కాలం పాటు ముందుకు నడిపించాడు. జట్టులో యువ ఆటగాళ్లకు చోటు కల్పించి భవిష్యత్పై భరోసా కలిగించాడు. అందుకే టీమ్ఇండియా ఇప్పటికీ నెంబర్ వన్ టీమ్గా ఉంది. అలాంటి ఆటగాళ్లు ఇలా నిష్క్రమించడం సరికాదు. మైదానంలో అతడికి ఘనమైన వీడ్కోలు లభించాలి. సచిన్లాగా ధోనీకి ఫేర్ వెల్ గేమ్ ఏర్పాటు చేయాలి."
-కమ్రన్ అక్మల్, పాక్ మాజీ ఆటగాడు
ధోనీ లాంటి కెప్టెన్లు అవసరమని తెలిపాడు కమ్రన్. "పాకిస్థాన్ జట్టుకు ఇంజమాన్ ఉల్ హక్, యూనిస్ ఖాన్ వంటి గొప్ప సారథులు ఉన్నారు. ధోనీ ఎందరో కెప్టెన్లకు ఆదర్శంగా నిలిచాడు. మహీ లాంటి చాతుర్యం ఉన్న కెప్టెన్ పాక్ జట్టుకు అవసరం" అని అక్మల్ తెలిపాడు.
