భారత్తో జరుగుతున్న తొలి టెస్టులో ఇంగ్లాండ్ కెప్టెన్ జో రూట్ ద్విశతకంతో చెలరేగిపోయాడు. ఇది అతడికి 100వ టెస్టు. చరిత్రలో 100వ టెస్టులో ద్విశతకం బాదిన తొలి క్రికెటర్ అతడే. టీమ్ఇండియా బౌలర్లను ముప్పు తిప్పలు పెడుతూ 377 బంతుల్లో 218 పరుగులు చేశాడు రూట్. అశ్విన్ బౌలింగ్లో సిక్సర్ బాది తన 5వ ద్విశతకాన్ని సాధించాడు.
సర్ బ్రాడ్మన్@1
అత్యధిక డబుల్ సెంచరీలు సాధించిన జాబితాలో ఆల్టైమ్ గ్రేట్, ఆస్ట్రేలియా దిగ్గజం సర్ డాన్ బ్రాడ్మన్ ఉన్నారు. ఆయన ఆడిన 52 మ్యాచుల్లో 12 ద్విశతకాలు సాధించారు. కెరీర్లో అసాధారణ సగటు 99.94తో 6,996 పరుగులు సాధించారు బ్రాడ్మన్. అందులో 29 శతకాలు, 13 అర్ధ శతకాలున్నాయి.
ఆ తర్వాత 11 డబుల్ సెంచరీలతో శ్రీలంక మాజీ కెప్టెన్ కుమార సంగక్కర రెండో స్థానంలో ఉన్నారు. మూడో స్థానంలో వెస్టిండీస్ దిగ్గజం బ్రియన్ లారా(9 ద్విశతకాలు) ఉన్నారు.
కోహ్లీ@4
7 డబుల్ సెంచరీలతో భారత సారథి విరాట్ కోహ్లీ, ఇంగ్లాండ్ క్రికెటర్ వాల్లీ హామండ్, శ్రీలంక బ్యాట్స్మన్ మహేల జయవర్ధనే ఉన్నారు. ఆ తర్వాత 5 ద్విశతకాలు సాధించిన వారిలో అటపట్టు, వీరేంద్ర సెహ్వాగ్, జావేద్ మియాందాద్, యూనిస్ ఖాన్, రికీ పాంటింగ్, సచిన్ తెందూల్కర్ ఉన్నారు.
ఇదీ చూడండి: ఆసీస్ ఉత్తమ వన్డే ప్లేయర్ ఆఫ్ ది ఇయర్గా స్మిత్
