వచ్చే మూడేళ్లలో కనీసం రెండు ప్రపంచకప్లు గెలిస్తే బాగుంటుందని అన్నాడు టీమ్ఇండియా ఓపెనర్ రోహిత్ శర్మ. సురేశ్ రైనాతో జరిగిన ఇన్స్టాగ్రామ్ లైవ్ చాట్లో ఈ విధంగా వెల్లడించాడు. ఇప్పటినుంచి 2023 వరకు మూడు ప్రపంచకప్లు జరగనున్నాయని తెలిపాడు.
"ప్రపంచకప్ గెలవడం అంత తేలిక కాదు. అన్నీ సవ్యంగా జరిగి విజేతగా నిలవడమనేది ఎంతో భావోద్వేగంతో కూడుకున్నది. ఏడు, ఎనిమిది జట్లను దాటుకుని ఫైనల్లో విజయం సాధించడమనేది చాలా కష్టం. కానీ ప్రపంచకప్ గెలిస్తే మన సంతోషం రెట్టింపవుతుంది. వచ్చే మూడేళ్లలో మూడు ప్రపంచకప్లు జరగనున్నాయి. రెండు టీ20, ఒక వన్డే ప్రపంచకప్. ఇప్పటికే చాలాసార్లు చెప్పా. టీమ్ఇండియా ఇందులో కేవలం రెండు వరల్డ్కప్లైనా గెలవాలి."
-రోహిత్ శర్మ, టీమ్ఇండియా ఓపెనర్
గతేడాది జరిగిన ప్రపంచకప్లో టీమ్ఇండియా సెమీఫైనల్లో ఓడి ఇంటిముఖం పట్టింది. ఈ టోర్నీలో రోహిత్ శర్మ ఐదు సెంచరీలు చేసి సత్తాచాటినా జట్టు విజేతగా నిలవకపోవడం అభిమానుల్ని బాధించింది.
