విరాట్ కోహ్లీ, రోహిత్ శర్మలు తనకు పెద్దన్నల్లాంటి వారని తెలిపాడు టీమ్ఇండియా స్పిన్నర్ యుజ్వేంద్ర చాహల్. వారిద్దరూ తనకు ఎప్పుడూ మద్దతుగా ఉంటారని అన్నాడు. కోహ్లీ, రోహిత్లు భారత జట్టుకు ఆడుతూ ఎన్నో ఘనతల్ని సాధించారని పేర్కొన్నాడు.
"కోహ్లీ, రోహిత్ ఇద్దరూ లెజెండ్స్. విరాట్తో కలిసి నేను అండర్-15 జట్టులోనూ ఆడా. క్రమశిక్షణ విషయంలో అందరికీ ఆదర్శంగా నిలుస్తాడు. బౌలింగ్లో ఎప్పుడైనా ఇబ్బందిపడితే నా వద్దకు వచ్చి నెగిటివ్ మైండ్సెట్ను వదలమని చెబుతాడు. ఆర్సీబీ జట్టుకు ఆడినపుడు కూడా అదే చేసేవాడు. విరాట్, రోహిత్ ఇద్దరూ నాకు పెద్దన్నల్లాంటి వారు. టీమ్ఇండియాకు ఆడుతూ వారిద్దరూ ఎన్నో ఘనతల్ని సొంతం చేసుకున్నారు. అందరీకి ఆదర్శంగా నిలుస్తున్నారు."
-చాహల్, టీమ్ఇండియా స్పిన్నర్
లాక్డౌన్ కారణంగా ప్రస్తుతం ఇంటికే పరిమితమయ్యాడు చాహల్. ఈ సమయంలో టిక్టాక్ వీడియోలు చేస్తూ కాలక్షేపం చేస్తున్నాడు. సామాజిక మాధ్యమాల్లో క్రియాశీలకంగా ఉంటూ సహఆటగాళ్ల ఫొటోలు, వీడియోలపై అప్పుడప్పుడూ ఫన్నీ కామెంట్లు పెడుతూ ఉంటాడు.
