ఆస్ట్రేలియాలో కొవిడ్ ఆంక్షలను అతిక్రమించారనే ఆరోపణల మధ్య ఐదుగురు టీమ్ఇండియా ఆటగాళ్లను క్వారంటైన్ చేసినట్లు వార్తలొచ్చాయి. దీంతో నెటిజన్లు వారిపై తీవ్రంగా మండిపడుతున్నారు. నిబంధనలకు విరుద్ధంగా బయోబబుల్ దాటి బయటకు వచ్చారని విమర్శలు వెల్లువెత్తాయి. అయితే ఈ నేపథ్యంలో మరోవార్తతో టీమ్ఇండియా శిబిరంలో కలవరం మొదలైంది. భారత కెప్టెన్ విరాట్ కోహ్లీ, ఆల్రౌండర్ హార్దిక్ పాండ్యా కూడా నిబంధనలను అతిక్రమించారనే ప్రచారం జరుగుతోంది. వాటికి సంబంధించిన ఫొటోలు నెట్టింట చక్కర్లు కొడుతున్నాయి.
- " class="align-text-top noRightClick twitterSection" data="
">
కోహ్లీ, హార్దిక్ పాండ్యాలు కలిసి డిసెంబరు 7న ఓ బేబిషాప్నకు వెళ్లారని సామాజిక మాధ్యమాల్లో జోరుగా ప్రచారం సాగుతోంది. వీరిద్దరూ మాస్క్ లేకుండా సంచరిస్తూ.. ఆస్ట్రేలియన్స్తో కలిసి దిగిన ఫొటోలు వైరల్ అయ్యాయి. అయితే ఈ విషయం గురించి అప్పట్లో ఎలాంటి చర్చ జరగలేదు. ఇటీవలే ఐదుగురు క్రికెటర్లు నిర్బంధంలోకి వెళ్లారనే ప్రచారం తర్వాత కోహ్లీ విషయం వెలుగులోకి వచ్చింది .
ఇదీచూడండి: ఐసోలేషన్‌కు ఐదుగురు టీమ్ఇండియా క్రికెటర్లు
