హాలీవుడ్​ హీరోలుగా కోహ్లీ ​- కేన్​

డీసీ కామిక్స్​ చిత్రం 'జస్టిన్ లీగ్ జాక్ స్నైడర్ కట్' గురువారం విడుదలైంది. దీనిపై వినూత్న శైలిలో స్పందించింది ఐసీసీ. సూపర్​హీరోల్లా టీమ్​ఇండియా కెప్టెన్ విరాట్ కోహ్లీ, న్యూజిల్యాండ్​ సారథి కేన్ విలియమ్సన్ సహా ప్రముఖ క్రికెటర్ల ఫొటోలను మార్ఫింగ్ చేసింది. అది అభిమానులను ఎంతగానో ఆకట్టుకుంటోంది.

డీసీ కామిక్స్ ప్రేక్షకులు ఎంతగానో ఎదురుచూస్తున్న 'జస్టిస్ లీగ్' జాక్ స్నైడర్ కట్.. ఎట్టకేలకు ప్రేక్షకుల ముందుకు వచ్చింది. దీనిపై అంతర్జాతీయ క్రికెట్ మండలి (ఐసీసీ) వినూత్నంగా స్పందించింది. సూపర్ హీరోలా ముఖాలను క్రికెటర్లతో మార్ఫింగ్ చేసి 'యునైట్​ ది లీగ్​' అని క్యాప్షన్ జోడించింది.

• Unite the League 💪#SnyderCut pic.twitter.com/kNPI8simBg

  — ICC (@ICC) March 18, 2021 " class="align-text-top noRightClick twitterSection" data="

  Unite the League 💪#SnyderCut pic.twitter.com/kNPI8simBg

  — ICC (@ICC) March 18, 2021

  ">

  Unite the League 💪#SnyderCut pic.twitter.com/kNPI8simBg

  — ICC (@ICC) March 18, 2021

ఇందులో.. ఆక్వామ్యాన్​గా భారత క్రికెట్ సారథి విరాట్ కోహ్లీ ఉండగా.. న్యూజిలాండ్ కెప్టెన్ కేన్ విలియమ్సన్​ను సూపర్​మ్యాన్​గా చూపించింది ఐసీసీ. ఇక బ్యాట్​మ్యాన్​గా ఇంగ్లాండ్ ఆల్​రౌండర్ బెన్ స్టోక్స్, సైబార్గ్​గా వెస్టిండీస్ వన్డే జట్టు కెప్టెన్ పొలార్డ్ ఉన్నారు. వండర్ ఉమెన్​గా అస్ట్రేలియా మహిళా జట్టు క్రికెటర్ అల్లైస్ పెర్రి ఉంది.

'జస్టిస్ లీగ్' సినిమా 2017లోనే విడుదలైంది. దిగ్గజ దర్శకుడు జాక్ స్నైడర్.. సినిమాలోని చాలా భాగం చిత్రీకరించారు. కాని కొన్ని వ్యక్తిగత కారణాల వల్ల సినిమా నుంచి తప్పుకున్నారు. మరో దర్శకుడు ఆ చిత్రాన్ని పూర్తి చేశారు. అయితే ఈ సినిమా ప్రేక్షకులను నిరాశ పరిచింది. 'జాక్​ స్నైడర్​ కట్'​ కావాలంటూ అప్పటి నుంచి డీసీ అభిమానులు డిమాండ్​ చేస్తూ వచ్చారు.

ఇదీ చూడండి: ప్రధాని మోదీకి విండీస్ ఆల్​రౌండర్ రసెల్ కృతజ్ఞతలు