టీమ్ఇండియా కెప్టెన్ విరాట్ కోహ్లీ మరో ఘనత సాధించాడు. దేశం తరఫున 250 వన్డేలు ఆడిన తొమ్మిదో ఆటగాడిగా నిలిచాడు. ఆస్ట్రేలియాతో జరుగుతున్న రెండో వన్డేలో పాల్గొని ఈ మార్క్ను అధిగమించాడు.
2008 ఆగస్టు 18న శ్రీలంకతో మ్యాచ్తో వన్డేల్లో విరాట్ అరంగేట్రం చేశాడు. వీటితో పాటు 86 టెస్టులు, 82 టీ20లు భారత్ తరఫున ఆడాడు. అన్ని ఫార్మాట్లలో కలిపి 21 వేల పరుగులకు పైగా చేశాడు.
టీమ్ఇండియా తరఫున ఎక్కువ వన్డేలు ఆడిన వారిలో దిగ్గజ సచిన్(463) అందరికంటే ముందున్నాడు. ఆ తర్వాత ధోనీ(347), రాహుల్ ద్రవిడ్(340), అజారుద్దీన్(334), సౌరభ్ గంగూలీ(308), యువరాజ్ సింగ్(301), అనిల్ కుంబ్లే(269) ఉన్నారు.
ప్రపంచ వ్యాప్తంగా చూసుకుంటే సచిన్(463), మహేల జయవర్ధనే(448), సనత్ జయసూర్య(445), కుమార సంగక్కర(404), అఫ్రిది(398), ఇంజిమామ్ ఉల్ హక్(378), రికీ పాంటింగ్(375).. ఈ జాబితాలో ఉన్నారు.
