ప్రపంచకప్ సమయంలో జోఫ్రా ఆర్చర్ ట్వీట్లు ఎంతో సంచలనం రేపాయి. తాజాగా మరోసారి అతడి ట్వీట్ వార్తల్లో నిలిచింది. డోపింగ్ పరీక్షలో విఫలమైన పృథ్వీ షాను ఉద్దేశిస్తూ "అన్ లక్కీ షా" అంటూ పోస్ట్ చేశాడు. అయితే ఆ ట్వీట్ ఇప్పటిది కాదు 2015 సెప్టంబర్లోది.
2019 ప్రపంచకప్ను ఇంగ్లాండ్ కైవసం చేసుకుంటుందని, న్యూజిలాండ్ ఫైనల్ చేరుతుందని, సెమీస్లో జడేజా బ్యాట్ ఝుళిపిస్తాడని రకరకాల విషయాలు ముందే ఊహించి ట్వీట్ చేశాడు ఆర్చర్. ఈ పోస్ట్లన్నీ ప్రపంచకప్ సమయంలో వైరల్ అయ్యాయి.
ప్రస్తుతం అందరి మదిలో ఒక్కటే ప్రశ్న. జోఫ్రా ఆర్చర్ ముందే ఇవన్నీ ఎలా ఊహిస్తున్నాడు? అతడికి ఎలా సాధ్యమైంది? అంటూ నెటిజన్లు ఆశ్యర్యం వ్యక్తం చేస్తున్నారు. ఈ ట్వీట్ల ఉద్దేశం ఏమైనప్పటికీ ఆర్చర్కు భవిష్యత్ తెలుసని అభిప్రాయపడుతున్నారు.
డోపింగ్ పరీక్షల్లో విఫలమై 8 నెలలపాటు క్రికెట్ ఆడకుండా నిషేధానికి గురయ్యాడు పృథ్వీషా. నవంబరుతో ఈ సస్పెన్షన్ కాలం పూర్తవుతుంది.
ఇవీ చూడండి.. 'అందుకు నా మనసు అంగీకరించలేదు'
