టీమ్ఇండియా కెప్టెన్ విరాట్ కోహ్లీపై మాజీ అంపైర్ ఇయాన్ గౌల్డ్ ప్రశంసలు కురిపించాడు. ఈ డాషింగ్ బ్యాట్స్మన్ ఓ మోడల్ను పోలి ఉంటాడని అభిప్రాయపడ్డాడు. అతడిలో గొప్ప క్రికెటర్ దాగున్నాడని.. క్రికెట్ గురించి ఎన్ని గంటలైనా మాట్లాడగలడని అన్నాడు.
"కోహ్లీ చాలా సరదాగా ఉండే వ్యక్తి. అతడు నాలాగే రెండు సార్లు బ్యాటింగ్ చేశాడు. ఈ విషయం గురించి అతడికి చాలాసార్లు చెప్పాను. సచిన్ తర్వాత భారత్కు దక్కిన ఓ అద్భుతమైన ఆటగాడు కోహ్లీ. దేశం మొత్తం తన వెనకుందనేది మీకు తెలియని విషయం. కోహ్లీ అంకితభావం గల కుర్రాడు. ఎవరైనా అతడ్ని చూస్తే మోడల్ అని అనుకుంటారు. కానీ ఎప్పడూ క్రికెట్ గురించే ఆలోచించే అందమైన వ్యక్తి విరాట్"
- ఇయాన్ గౌల్డ్, ప్రముఖ అంపైర్
మైదానంలో అంపైర్ల నిర్ణయంతో ఏకీభవించనప్పుడు కోహ్లీ కొన్నిసార్లు వాగ్వాదాలకు దిగేవాడని, కొన్నేళ్ల నుంచి మాత్రం గౌరవప్రదంగా ఉండటం నేర్చుకున్నాడని గౌల్డ్ చెప్పాడు.
ఇయాన్ గౌల్డ్.. తన 13 ఏళ్ల కెరీర్లో 250కి పైగా అంతర్జాతీయ మ్యాచ్లకు అంపైర్గా వ్యవహరించాడు. 2019లో ఐసీసీకి చెందిన ఎలైట్ అంపైర్ల ప్యానెల్ నుంచి రిటైర్ అయ్యాడు.
ఇదీ చూడండి... ఒలింపిక్స్ వాయిదాతో నిరాశపడ్డ స్టార్ షూటర్ మను
